ଜଙ୍ଗଲ ଯାଇଥିଲେ କାଠ ସଂଗ୍ରହ ପାଇଁ, ମହିଳାଙ୍କୁ ଦଳିଦେଲା ଦନ୍ତା

ଓଡ଼ିଶା 365 (ବ୍ୟୁରୋ):  କାଠ ସଂଗ୍ରହ ପାଇଁ ଜଙ୍ଗଲ ଯାଇଥିଲେ ମହିଳା ।  ମାତ୍ର, ହାତୀ ଆକ୍ରମଣର ଶୀକାର ହୋଇ ମହିଳାଙ୍କ ମୃତ୍ୟୁ ହୋଇଛି। ମୃତ ମହିଳା ଜଣଙ୍କ ହେଲେ ବଡମ୍ବା ରେଞ୍ଜ ମାଣିଆବନ୍ଧ ଥାନା ଅନ୍ତର୍ଗତ ଅଭିମାନପୁର ମଠସାହିର ମଞ୍ଜୁ ସେନାପତି । ତାଙ୍କ ବୟସ ୫୮ ବର୍ଷ ବୋଲି ଜଣାପଡିଛି ।

ଆଜି ସକାଳେମହିଳା ଜଣଙ୍କ ସ୍ଥାନୀୟ କୁଆଁରପାଳ ବିରିରଗଡ଼ି ପାହାଡ଼ ତଳ କାଜୁ ବଗିଚାକୁ  କାଠ ସଂଗ୍ରହ କରିବାକୁ ଯାଇଥିଲେ । ସେହି ସମୟରେ ଦନ୍ତା ଆକ୍ରମଣରେ ମହିଳା ଜଣଙ୍କର ମୃତ୍ୟୁ ହୋଇଛି । ଖବର ପାଇ ବଡମ୍ବା ରେଞ୍ଜର ସୀତାରାମ ଶବର ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିବା ସହ କ୍ଷତିପୂରଣ ବାବଦକୁ ଆର୍ଥିକ ସହାୟତା ଯୋଗାଇ ଦେବାକୁ ପ୍ରତିଶ୍ରୁତି ଦେଇଛନ୍ତି।