ଓଡ଼ିଶା 365 (ବ୍ୟୁରୋ): ରାଜଧାନୀ ଭୁବନେଶ୍ୱର ଉପକଣ୍ଠ ଚନ୍ଦକା ଗୋଠପାଟଣାରେ ମହିଳାଙ୍କୁ ବିଭତ୍ସ ଭାବେ ହତ୍ୟା। ମୃତ ମହିଳା ଜଣକ ହେଉଛନ୍ତି ସସ୍ମିତା ବେହେରା ବୋଲି ଜଣାପଡ଼ିଛି। ସସ୍ମିତା ଗୋଠପାଟଣାରେ ଏକ ଜଳଖିଆ ଦୋକାନ କରି ଦୀର୍ଘଦିନ ଧରି ନିଜର ପରିବାର ପୋଷିଆସୁଥିଲେ । ନିଜ ପରିବାର ସହ କ୍ରିଷ୍ଣାପୁରୀ କଲୋନୀରେ ରହୁଥିଲେ ସେ। ତେବେ ଆଜି ସସ୍ମିତାଙ୍କର ମୃତଦେହ ଉଦ୍ଧାର ହୋଇଛି । ବଡିରେ ଥିବା କ୍ଷତ ଚିହ୍ଣକୁ ଦେଖି ସସ୍ମିତାଙ୍କୁ ଛୁରୀ ଭୁଷି ହତ୍ୟା କରାଯାଇଥିବା ସନ୍ଦେହ କରାଯାଉଛି ।
ଏଘଟଣା ସାମ୍ନାକୁ ଅଆସିବା ପରେ ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ। ଚନ୍ଦକା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ଘଟଣାର ତଦନ୍ତ କରୁଛି। ଏପର୍ଯ୍ୟନ୍ତ ହତ୍ୟାକାଣ୍ଡର କାରଣ ଅସ୍ପଷ୍ଟ ରହିଛି । ତେବେ ସସ୍ମିତାଙ୍କୁ କିଏ ମାରିଲା , ଏବଂ କେଉଁ କାରଣରୁ ଏହି ହତ୍ୟାକାଣ୍ଡ ଘଟିଛି ପୋଲିସ ସେନେଇ ଖୋଳତାଡ଼ ଜାରି ରଖିଛି ।
