ଓଡ଼ିଶା 365 (ବ୍ୟୁରୋ):ଦୀପାବଳିରେ ଫ୍ୟାନ୍ସମାନଙ୍କୁ ଉପହାର ଭେଟି ଦେବେ ବଲିଉଡ ଭାଇଜାନ ସଲମାନ ଖାନ୍ । ଖୁବଶୀଘ୍ର ଦର୍ଶକମାନଙ୍କ ଅପେକ୍ଷାର ଅନ୍ତ ଘଟିବାକୁ ଯାଉଛି । ଅର୍ଥାତ୍ ଆସନ୍ତା ୧୨ ତାରିଖ ଦୀପାବଳି ଦିନ ରିଲିଜ୍ ହେବାକୁ ଯାଉଛି ଟାଇଗର-ଥ୍ରୀ । ଏଥିରେ ସଲମାନ୍ ଖାନଙ୍କ ବ୍ୟତୀତ କ୍ୟାଟ୍ରିନା କୈଫ୍ ଏବଂ ଇମ୍ରାନ ହାଶମୀଙ୍କୁ ପ୍ରେକ୍ଷାଳୟରେ ଦେଖିବାକୁ ଫ୍ୟାନ୍ସମାନେ ଉତ୍ସାହର ସହିତ ଅପେକ୍ଷା କରିଛନ୍ତି । ଖବର ମୁତାବକ, ଏହି ଫିଲ୍ମ ଆଡଭାନ୍ସ ବୁକିଂରେ ରେକର୍ଡ ସୃଷ୍ଟି କରୁଛି । ଯାହାକୁ ଦେଖି ଫିଲ୍ମ ନିର୍ମାତା କହୁଛନ୍ତି ଯେ, ଫିଲ୍ମଟି ଭଲ ଆୟ କରିବ । ଫିଲ୍ମଟି ରିଲିଜ୍ ହେବା ପୂର୍ବରୁ ରୋଜଗାର କରିସାରିଲାଣି ୬ କୋଟି ୪୮ ଲକ୍ଷ । ଫିଲ୍ମଟିର ଆଡଭାନ୍ସ ବୁକିଂ ଆରମ୍ଭ ହେବା ପରଠୁ ବିକ୍ରି ହୋଇସାରିଲାଣି ୨ ଲକ୍ଷ ୨୭ ହଜାରରୁ ଅଧିକ ଟିକେଟ୍ । ମାତ୍ର ୨୪ ଘଣ୍ଟାରେ ବିକ୍ରି ହୋଇଥିଲା ୪୦ ହଜାରରୁ ଅଧିକ ଟିକେଟ୍ । ଯାହା ପୂର୍ବରୁ କେବେ ବି ହୋଇନଥିଲା ।
ନିିକଟରେ ଏହି ଫିଲ୍ମର ଆଉ ଏକ ପ୍ରୋମୋ ରିଲିଜ୍ ହୋଇଥିଲା । ଯାହା ସୋସିଆଲ ମିଡିଆରେ ହଇଚଇ ସୃଷ୍ଟି କରିଥିଲା । ପ୍ରୋମୋର ଆରମ୍ଭ ହୋଇଥିଲା ଖଳନାୟକ ଆତିଶଙ୍କ ଭୂମିକାରେ ଥିବା ଇମ୍ରାନ ହାସମିଙ୍କ ଦମଦାର ଡାଇଲଗରୁ । ୫୦ ସେକେଣ୍ଡର ଏହି ପ୍ରୋମୋରେ ଭରଫୁର ଆକ୍ସନ ସିନ୍ ବି ରହିଛି । ଯାହା ଦର୍ଶକମାନଙ୍କ ମନକୁ ଛୁଇଁଥିଲା । ଏହି ଫିଲ୍ମରେ ସଲ୍ମାନ ଖାନ୍, କ୍ୟାଟ୍ରିନା କେଫ୍, ଇମ୍ରାନ୍ ହାସମୀଙ୍କ ବ୍ୟତୀତ ରେବତୀ, ରିଦ୍ଧି ଡୋଗ୍ରା, ବିଶାଲ ଜେଟୱା, କୁମୁଦ ମିଶ୍ର, ରଣଭୀର ଶୌରୀଙ୍କୁ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିବ ।
