ଏୟାର ଇଣ୍ଡିଆରେ ଯାତ୍ରା କରୁଥିବା ଯାତ୍ରୀଙ୍କର ହେବ ୨ଥର ଯାଞ୍ଚ: କାହିଁକି ଜାଣନ୍ତୁ?

ଓଡ଼ିଶା 365 (ବ୍ୟୁରୋ): ଭାରତ କାନାଡା ବିବାଦ ଭିତରେ ଭାରତରେ ଆଲର୍ଟ ଜାରି ହୋଇଛି । ବିଶେଷକରି ଏୟାର ଇଣ୍ଡିଆ ଯାତ୍ରୀଙ୍କର ଯାଞ୍ଚ ଦ୍ୱିତୀୟ ଥର କରାଯାଉଛି । ଦିଲ୍ଲୀ ଏବଂ ପଞ୍ଜାବର ବିମାନବନ୍ଦରରୁ ଏୟାର ଇଣ୍ଡିଆ ବିମାନରେ ଯାତ୍ରା କରୁଥିବା ଯାତ୍ରୀମାନଙ୍କ ପାଇଁ ଅତିରିକ୍ତ ସୁରକ୍ଷା ଯାଞ୍ଚ କରାଯାଉଛି। ଏହାର କାରଣ ହେଉଛି ନିକଟରେ ଖାଲିସ୍ତାନୀ ଆତଙ୍କବାଦୀ ଗୁରୁପାତବନ୍ତ ସିଂ ପନ୍ନୁ ଏୟାର ଇଣ୍ଡିଆ ବିମାନ ଉଡ଼ାଇଦେବାକୁ ଧମକ ଦେଇଥିଲେ। ସେ ଏକ ଭିଡିଓ ବାର୍ତ୍ତା ଦେଇ ଧମକ ଦେଇଛନ୍ତି। କାନାଡାରେ ପନ୍ନୁଙ୍କ ଧମକ ଥିବାରୁ ଭାରତୀୟ ସୁରକ୍ଷା ଏଜେନ୍ସିମାନେ ଆଲର୍ଟ ମୋଡରେ ଅଛନ୍ତି। ବର୍ତ୍ତମାନ ଯାତ୍ରୀଙ୍କ ସୁରକ୍ଷା ପାଇଁ ଏହି ଆବଶ୍ୟକ ପଦକ୍ଷେପ ନିଆଯାଉଛି।

ଇଂରାଜୀ ଖବରକାଗଜ ଦି ହିନ୍ଦୁର ରିପୋର୍ଟ ଅନୁଯାୟୀ, ସମସ୍ତ ଏୟାର ଇଣ୍ଡିଆର ଯାତ୍ରୀଙ୍କୁ ଦିଲ୍ଲୀ ଏବଂ ପଞ୍ଜାବର ବିମାନବନ୍ଦରରେ ଦୁଇଥର ସୁରକ୍ଷା ଯାଞ୍ଚ କରାଯିବ। ଏହି ସମୟ ମଧ୍ୟରେ ବିମାନ କର୍ମଚାରୀମାନେ ଯାତ୍ରୀ ଏବଂ ସେମାନଙ୍କ ଲଗେଜ୍ ପୁନ-ଯାଞ୍ଚ କରିବେ। ବିମାନ କର୍ମଚାରୀମାନେ ବିମାନରେ ଯିବା ପୂର୍ବରୁ ଯାଞ୍ଚ କରିବେ। ବେସାମରିକ ବିମାନ ଚଳାଚଳ ସୁରକ୍ଷା ବ୍ୟୁରୋ ଦ୍ୱାରା ଜାରି କରାଯାଇଥିବା ନିର୍ଦ୍ଦେଶ ଅନୁଯାୟୀ, ସିଏସଏଫ୍ ପକ୍ଷରୁ ସୁରକ୍ଷା ମଞ୍ଜୁର ପାଇବା ପରେ ଏହା କରାଯିବ।