ଓଡ଼ିଶା 365 (ବ୍ୟୁରୋ): ଆଜି ରଣବୀର କପୁର ଏବଂ ଆଲିଆ ଭଟ୍ଟଙ୍କ ରାଜକୁମାରୀ ରାହା କପୁରଙ୍କ ଜନ୍ମଦିନ । ରଣବୀର-ଆଲିଆଙ୍କ ପରିବାରରେ ଖେଳିଯାଇଛି ଖୁସିର ଲହରୀ । ରାହାଙ୍କ ଜନ୍ମଦିନ ଅବସରରେ ଜନ୍ମଦିନରେ ରାହାଙ୍କ ପ୍ରଥମ ଝଲକ ସୋସିଆଲ ମିଡିଆରେ ସେୟାର କରିଛନ୍ତି ଆଲିଆ ଭଟ୍ଟ । ପ୍ରଥମ ଫଟୋରେ ରାହା ଦୁଇ ହାତ କେକ୍ ଉପରେ ରଖିଛନ୍ତି। ଦ୍ୱିତୀୟ ଫଟୋରେ ସେ ବାପା-ମା’ଙ୍କ ସହ ହାତରେ ଫୁଲ ଧରିଥିବା ଦେଖିବାକୁ ମିଳିଛି। ହେଲେ ଫଟୋରେ ଆଲିଆ ଝିଅର ମୁହଁ ଦେଖାଇନାହାନ୍ତି, କିନ୍ତୁ ତାଙ୍କ କୁନି କୁନି ହାତ ପ୍ରଶଂସକଙ୍କୁ ବେଶ୍ ପସନ୍ଦ ଆସିଛି । ଏହି ଫଟୋ ଶେୟାର କରି ଆଲିଆ ଲେଖିଛନ୍ତି ଯେ, “ଆମର ଖୁସି, ଆମର ଜୀବନ..ଆମର ଆଲୋକ। କାଲି ଭଳି ଲାଗୁଛି, ଯେତେବେଳେ ତୁମେ ପେଟରେ ଖେଳୁଥିଲ ଆମେ ତୁମ ପାଇଁ ଗୀତ ବଜାଉ ଥିଲୁ। କହିବାକୁ କିଛି ନାହିଁ, କେବଳ ଏତିକି ତୁମକୁ ପାଇ ଆମେ ଜୀବନରେ ଧନ୍ୟ ହୋଇଛୁ।
ଅନ୍ୟପଟେ, ଆଲିଆ ଏବଂ ରଣବୀରଙ୍କର ସମସ୍ତ ପ୍ରଶଂସକ ତାଙ୍କ ଝିଅର ପ୍ରଥମ ଜନ୍ମଦିନରେ ତାଙ୍କୁ ଶୁଭେଚ୍ଛା ଜଣାଇଛନ୍ତି। ଏବଂ ବିଶେଷ କରି ଏହି ବିଶେଷ ଦିନରେ ରାହାଙ୍କ ‘ଜେଜେମା’ ନିତୁ କପୁର ଏବଂ ଜେଜେମା ସୋନି ରାଜଦାନ ମଧ୍ୟ ନିଜ ଇନଷ୍ଟାଗ୍ରାମ କାହାଣୀରେ ନାତୁଣୀଙ୍କ ପାଇଁ ଏକ ହୃଦୟସ୍ପର୍ଶୀ ନୋଟ ଶେୟାର କରିଛନ୍ତି। ନିତୁ ଲେଖିଛନ୍ତି ଯେ, ଏହିପରି ଭାବରେ ସେ ୧ ବର୍ଷ ବୟସର ହୋଇଗଲେ। ମୋର ଅନମୋଲ ଗୁଡିଆ ରାହାଙ୍କୁ ଶୁଭ ଜନ୍ମଦିନର ଶୁଭେଚ୍ଛା ଓ ଭଲପାଇବା ।
