ରାହାକୁ ପୂରିଲା ବର୍ଷେ; ଖୁସିରେ ଫାଟିପଡିଲେ ପରିବାର ଲୋକେ

ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ କ୍ୟୁଇନ ଆଲିଆ ଭଟ୍ଟ ଏବଂ ବଲିଉଡର ଚକୋଲେଟ୍ ବୟ ରଣବୀର କପୁର । ଏହି ଯୋଡି ବଲିଉଡର ମୋଷ୍ଟ ଲଭ୍ କପଲ ଭାବେ ବେଶ୍ ଚର୍ଚ୍ଚିତ । ଆଜି ଏହି ଯୋଡିଙ୍କ ପାଇଁ ସବୁଠାରୁ ବଡ଼ ଖୁସିର ଦିନ ହୋଇଛି । କହିବାକୁ ଗଲେ ଆଜି ରଣବୀର-ଆଲିଆଙ୍କ ରାଜକୁମାରୀ ରାହା କପୁରଙ୍କୁ ଏକ ବର୍ଷ ପୂରିଛି । ଯାହାକୁ ନେଇ ରଣବୀର-ଆଲିଆଙ୍କ ପରିବାରରେ ଖୁସିର ଲହରି ଖେଳିଯାଇଛି ।
ଅନ୍ୟପଟେ, ଆଲିଆ ଏବଂ ରଣବୀରଙ୍କର ସମସ୍ତ ପ୍ରଶଂସକ ତାଙ୍କ ଝିଅର ପ୍ରଥମ ଜନ୍ମଦିନରେ ତାଙ୍କୁ ଶୁଭେଚ୍ଛା ଜଣାଇଛନ୍ତି।

ଏବଂ ବିଶେଷ କରି ଏହି ଦିନରେ ରାହାଙ୍କ ‘ଜେଜେମା’ ନିତୁ କପୁର ଏବଂ ଜେଜେମା ସୋନି ରାଜଦାନ ମଧ୍ୟ ନିଜ ଇନଷ୍ଟାଗ୍ରାମ କାହାଣୀରେ ନାତୁଣୀଙ୍କ ପାଇଁ ଏକ ହୃଦୟସ୍ପର୍ଶୀ ନୋଟ ଶେୟାର କରିଛନ୍ତି। ନିତୁ ଲେଖିଛନ୍ତି ଯେ, ଏହିପରି ଭାବରେ ସେ ୧ ବର୍ଷ ବୟସର ହୋଇଗଲେ। ମୋର ଅନମୋଲ ଗୁଡିଆ ରାହାଙ୍କୁ ଶୁଭ ଜନ୍ମଦିନର ଶୁଭେଚ୍ଛା ଓ ଭଲପାଇବା ।