ଏହି କ୍ରିକେଟରଙ୍କ ବାୟୋପିକରେ ଅଭିନୟ କରିବାକୁ ଚାହୁଁଛନ୍ତି ଭିକି

ଓଡ଼ିଶା 365 (ବ୍ୟୁରୋ): କ୍ରିକେଟ ବିଶ୍ୱକପରେ ଭରତ ଗୋଟେ ଗୋଟେ ପରେ ଚମତ୍କାର ପ୍ରଦର୍ଶନ କରୁଛି । ଗତକାଲି ଅର୍ଥାତ ରବିବାର ଦିନ କୋଲକାତାରେ ଦକ୍ଷିଣ ଆଫ୍ରିକା ବିପକ୍ଷ ମ୍ୟାଚ ଖେଳ ଚାଲିଥିଲା । ଏଥିରେ ଭାରତ ଚମତ୍କାର ପ୍ରଦର୍ଶନ କରିଥିଲା । ଏହି ସମୟରେ ବଲିଉଡ ଅଭିନେତା ଭିକ୍କି କୌଶଲଙ୍କୁ କମେଣ୍ଟ୍ରି ବକ୍ସରେ ଦେଖିବାକୁ ମିଳିଥିଲା। ଯେତେବେଳେ କମେଣ୍ଟେଟର ତାଙ୍କୁ ପଚାରିଥିଲେ ଯେ,କେଉଁ କ୍ରିକେଟରଙ୍କ ବାୟୋପିକରେ ଆପଣ ଅଭିନୟ କରିବାକୁ ଚାହୁଁଛନ୍ତି ? ସେ ଉତ୍ତର ଦେଇଥିଲେ ଯେ, ଲୋକମାନେ ମୋତେ ରିଭ୍ୟୁରେ କୁହନ୍ତି ଯେ ତୁମେ ଗମ୍ଭୀର ଭୂମିକାରେ ଭଲ ଦେଖାଯାଉଛ।

ଏହି ସମୟରେ ଗୌତମ ଗମ୍ଭୀର ତାଙ୍କ ପାଖରେ ବସିଥିଲେ। ଭିକ୍କିଙ୍କ ଉତ୍ତର ଶୁଣି ଗମ୍ଭୀର କହିଛନ୍ତି ଯେ, ଆପଣ ପିନ୍ଧିଥିବା ପୋଷାକ ବହୁତ ଭଲ ଦେଖାଯାଉଛି । କାରଣ ମୋ ଜୀବନଟା ବି ଏମିତି ବ୍ଲାକ ଆଣ୍ଡ ହ୍ବାଇଟ। ସେପଟେ ଅଭିନେତା କହିଛନ୍ତି ଯେ ମୁଁ ପ୍ରସ୍ତୁତି ଆରମ୍ଭ କରିଛି। ଏହାପରେ କମେଣ୍ଟ୍ରେଟର କହିଥିଲେ, ଗମ୍ଭୀର, ତୁମେ ତୁମର ବାୟୋପିକର ଅଧିକାର କାହାକୁ ଦେଇ ଦେଇନ ତ ? ଏହାର ଉତ୍ତରରେ ଗମ୍ଭୀର କହିଥିଲେ “ମୋ ଜୀବନରେ ଫିଲ୍ମ କରିବା ପୂର୍ବରୁ ଆପଣଙ୍କୁ ଜଣେ ଆଡଭୋକେଟ ହେବାକୁ ପଡିବ।’’