ଓଡ଼ିଶା 365 (ବ୍ୟୁରୋ): ନୟାଗଡ଼ ଜିଲ୍ଲା ଦଶପଲ୍ଲା ଥାନା ଅନ୍ତର୍ଗତ ସାକେଣୀ ଗାଁ ନିକଟରେ ବ୍ରେକ୍ ଫେଲ୍ ହୋଇଯିବାରୁ ଭାରସାମ୍ୟ ହରାଇ ବ୍ରିଜର ୩୦ଫୁଟ ତଳକୁ ଖସିପଡ଼ିଲା ସିମେଣ୍ଟ ବୋଝେଇ ଟ୍ରକ୍। ଟ୍ରକ୍ ଟି ଖସିପଡ଼ି ସମ୍ପୂର୍ଣ୍ଣ ଭାଙ୍ଗିଯାଇଥିବାବେଳେ ସୌଭାଗ୍ୟବଶତଃ ଏତେବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛନ୍ତି ଡ୍ରାଇଭର। ଡ୍ରାଇଭରଙ୍କ ଘର ବିଶାଖାପାଟଣାର ହୋଇଥିବା ବେଳେ ତାଙ୍କ ନାଁ ଏଲ୍ ସୁରେଶ ବୋଲି ଜଣାପଡିଛି।
ସୂଚନାଯୋଗ୍ୟ, ଆଜି ସକାଳେ ସିମେଣ୍ଟ ବୋଝେଇ ଟ୍ରକଟି ହାଇଦ୍ରାବାଦରୁ ଦଶପଲ୍ଲା ଅଭିମୁଖେ ଆସୁଥିଲା। ଏହି ସମୟରେ ବାଟରେ ସିମେଣ୍ଟ ବୋଝେଇ ଟ୍ରକର ବ୍ରେକ୍ ଫେଲ୍ ହୋଇଯାଇଥିଲା। ଟ୍ରକ୍ଟି ଭାରସାମ୍ୟ ହରାଇ ବ୍ରିଜର ୩୦ଫୁଟ୍ର ତଳକୁ ଖସି ପଡ଼ିଥିଲା। ଏହି ସମୟରେ ଡ୍ରାଇଭରଟି ନିଜ ଜୀବନ ବଞ୍ଚାଇବା ପାଇଁ ତଳକୁ ଡିଆଁ ମାରି ଦେଇଥିଲେ। ଦୁର୍ଘଟଣାରେ ଗାଡ଼ିଟି ଭାଙ୍ଗିରୁଜି ନଷ୍ଟ ହୋଇଯାଇଛି। ପୁଲିସ ଗାଡ଼ିକୁ ଜବତ କରି ଘଟଣାର ତଦନ୍ତ କରୁଛି।
