ଓଡ଼ିଶା 365 (ବ୍ୟୁରୋ): ଭାରତୀୟ କ୍ରିକେଟର୍ ବିରାଟ କୋହଲି ଗତକାଲି ୩୫ତମ ଜନ୍ମଦିନ ପାଳନ କରିଥିଲେ। ନିଜ ଜନ୍ମଦିନରେ ଯାଦୁ ଦେଖାଇଛନ୍ତି କିଙ୍ଗ କୋହଲି । ଭାରତର କୋଟି କୋଟି କ୍ରିକେଟପ୍ରେମୀଙ୍କୁ ଦେଇଛନ୍ତି ସ୍ମରଣୀୟ ଶତକ ଉପହାର। ଏହାସହ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ୪୯ ଦିନିକିଆ ଶତକର ସମକକ୍ଷ ହୋଇଥିଲେ କୋହଲି । ବିରାଟ ତାଙ୍କ ଜନ୍ମଦିନରେ ଶତକ ହାସଲ କରିବାରେ ସପ୍ତମ ଖେଳାଳି ହୋଇଛନ୍ତି। ଏହାପୂର୍ବରୁ ସନାଥ ଜୟସୁରିୟା, ଟମ ଲାଥାମ, ରସ ଟେଲର, ବିନୋଦ କାମ୍ବଲି, ସଚିନ ତେନ୍ଦୁଲକର ଏବଂ ମିଚେଲ ମାର୍ଶ ଏହା କରିସାରିଛନ୍ତି। ତାଙ୍କ ଜନ୍ମଦିନରେ ବିରାଟ ତାଙ୍କ ପ୍ରଶଂସକଙ୍କୁ ଏକ ବଡ଼ ଆଶ୍ଚର୍ଯ୍ୟ କରିଛନ୍ତି।
ଅନ୍ୟପଟେ ବିରାଟ ସବୁବେଳେ ମ୍ୟାଚରେ ଏମିତି କିଛି କରନ୍ତି ଯାହାକୁ ଦେଖି ଫ୍ୟାନ୍ସମାନଙ୍କ ଦିଲ୍ ଖୁସ୍ ହୋଇଯାଏ । ଏଥର ମ୍ୟାଚରେ ବି ଏମିତି କିଛି ଦେଖିବାକୁ ମିଳିଛି ଯାହାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏଥିରେ ବିରାଟ ମ୍ୟାଚ୍ ସମୟରେ ତାଙ୍କ ପତ୍ନୀ ଅନୁଷ୍କା ଶର୍ମାଙ୍କ ଗୀତରେ ହୁକ ଷ୍ଟେଏପ୍ କରୁଥିବାର ନଜର ଆସିଛନ୍ତି। ଏହାସହ ମ୍ୟାଚ୍ ସମୟରେ ବିରାଟ କୋହଲି ମଧ୍ୟ ଶାହାରୁଖ ଖାନଙ୍କ ସିଗ୍ନେଚର ଷ୍ଟେପ୍ କରିଥିଲେ। ଶାହାରୁଖଙ୍କ ଛଲେୟାକୁ ଗାଉଥିବା ବେଳେ ଡ୍ୟାନ୍ସ ମଧ୍ୟ କରୁଥିବା ଭିଡିଓରେ ଦେଖିବାକୁ ମିଳିଛି ।
ସେପଟେ ବିରାଟଙ୍କ ସଫଳତା ଦେଖି କେବଳ ପ୍ରଶଂସକ ନୁହେଁ, ତାଙ୍କ ପତ୍ନୀ ତଥା ଅଭିନେତ୍ରୀ ଅନୁଷ୍କା ଶର୍ମା ମଧ୍ୟ ଖୁସିରେ ମସଗୁଲ୍ ହୋଇଥିଲେ । ସେ ଇନଷ୍ଟାଗ୍ରାମରେ ସ୍ବାମୀ ବିରାଟଙ୍କୁ ଖାସ୍ ଅନ୍ଦାଜରେ ଖୁସି ପ୍ରକାଶ କରିଛନ୍ତି। ଅନୁଷ୍କା ସୋସିଆଲ ମିଡିଆରେ ବିରାଟଙ୍କ ଏକ ଫଟୋ ପୋଷ୍ଟ କରିଥିବାବେଳେ ସେଥିରେ ଲେଖିଥିଲେ ଯେ, ‘ ଜନ୍ମଦିନରେ ନିଜକୁ ଉପହାର’। ଏଥିସହ ଏକ ହାର୍ଟ ଇମୋଜି ମଧ୍ୟ ବିରାଟଙ୍କ ପାଇଁ ଦେଇଛନ୍ତି।
