ଓଡ଼ିଶା 365 (ବ୍ୟୁରୋ): ନୂଆପଡ଼ା ଜିଲ୍ଲା ସଦର ବ୍ଲକ୍ ଧରମବନ୍ଧା ଥାନା ସୁନାବେଡ଼ା ଅଭୟାରଣ୍ୟ ସିରିଆରିବାହାର ଗ୍ରାମରେ ବାଘ ଆତଙ୍କ। ଶୌଚ ପାଇଁ ଯାଇଥିବାବେଳେ ମହିଳାଙ୍କୁ ମାରି ଖାଇଦେଲା ବାଘ । ମୃତ ମହିଳା ଜଣକ ହେଲା ହେଲେ ରାମେଶ୍ରୀ ମାଝୀ(୪୫)। ଗତକାଲି ରାମେଶ୍ରୀ ଶୌଚ ପାଇଁ ଯାଇ ଆଉ ଘରକୁ ଫେରିନଥିଲେ। ଘରଲୋକେ ବହୁ ଖୋଜି ବି ପାଇନଥିଲେ। ଆଜି ସକାଳେ ତାଙ୍କୁ ବାଘ ଖାଉଥିବାର ଦେଖିବାକୁ ପାଇଥିଲେ। ଲୋକେ ବାଘକୁ ଘଉଡ଼ାଇବାକୁ ଉଦ୍ୟମ କରିଥିଲେ। ହେଲେ ବାଘ ପାଲଟା ସେମାନଙ୍କୁ ଆକ୍ରମଣ କରିବାରୁ ସେମାନେ ଭୟରେ ପଳାଇ ଆସିଥିଲେ।
ସୂଚନାଯୋଗ୍ୟ, କିଛି ଦିନତଳେ ଗୋଧସପଡ଼ାରେ ସୋମବାର ସଂଧ୍ୟାରେ ୩ରୁ ୪ ଜଣ ନାବାଳକ ଏକାଠି ଖେଳୁଥିଲେ। ଏତିକିବେଳେ ଜଣେ ୬ ବର୍ଷର ନାବାଳକକୁ ବାଘ ଟାଣି ନେଇ ମାରିଦେଇଥିଲା ବାଘ। ଏହା ଜାଣିବା ପରେ ଗ୍ରାମବାସୀ ଠେଙ୍ଗାବାଡ଼ି ଧରି ଗୋଡ଼ାଇଥିଲେ। ଫଳରେ ୨ଶହ ମିଟର ଦୂରରେ ଏକ ପଥର ଚଟାଣରେ ନାବାଳକକୁ ଛାଡ଼ି ବାଘଦ୍ବୟ ପଳାଇ ଯାଇଥିଲେ। ଗ୍ରାମବାସୀ ପହଞ୍ଚିବାର କିଛି ସମୟରେ ପରେ ନାବାଳକର ମୃତ୍ୟୁ ହୋଇ ଯାଇଥିଲା।
