ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡର ମିଷ୍ଟର ପରଫେକ୍ସନିଷ୍ଟ ଆମିର ଖାଁଙ୍କ ଝିଅ ଇରା ଖାଁ । ଯାହାଙ୍କ ପ୍ରି ଓ୍ବେଡିଂ ସେରିମନି ବର୍ତ୍ତମାନ ଆରମ୍ଭ ହୋଇଯାଇଛି। ଇରା ଖୁବଶୀଘ୍ର ତାଙ୍କ ପ୍ରେମିକ ନୁପୁର ଶିଖରେଙ୍କୁ ବିବାହ କରିବାକୁ ଯାଉଛନ୍ତି। ଆସନ୍ତା ବର୍ଷ ଏହି ଦମ୍ପତି ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି। ଏବେ ଇରାଙ୍କ ପ୍ରି ଓ୍ବେଡିଂ ସେରିମନି ଆରମ୍ଭ ହୋଇଛି। ଯାହାର ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଖବର ମୁତାବକ, ଇରା ଖାଁ ନଭେମ୍ବର ୨୦୨୨ରେ ତାଙ୍କ ପ୍ରେମିକ ନୁପୁର ଶିଖରେଙ୍କ ସହ ପ୍ରେମ ସମ୍ପର୍କ ଗଢ଼ି ଉଠିଥିଲା । ବର୍ତ୍ତମାନ ଏହି ଦମ୍ପତି ଜାନୁୟାରୀ ୨୦୨୪ରେ ବିବାହ କରିବାକୁ ଯାଉଛନ୍ତି। ଗତକାଲି ଏମାନେ କେଲଭାନ ସମାରୋହର ଆୟୋଜନ କରିଥିଲେ ଏବଂ ଏହା ସହିତ ସେମାନଙ୍କର ପ୍ରି ଓ୍ବେଡିଂ ସେରିମନି ଆରମ୍ଭ ହୋଇଥିଲା।
ଇରାଙ୍କ ଭାବି ସ୍ୱାମୀ ନୁପୁର ଜଣେ ମହାରାଷ୍ଟ୍ରୀୟ। ତେଣୁ ଏହା ଏକ ମହାରାଷ୍ଟ୍ର ବିବାହରେ ଏକ ଗୁରୁତ୍ୱପୂର୍ଣ୍ଣ କାର୍ୟ୍ୟ । କେଲଭାନ୍ କାର୍ୟ୍ୟରେ, ବର ଏବଂ କନ୍ୟାର ପରିବାରମାନେ ବିବାହ ପୂର୍ବରୁ ପାରମ୍ପାରିକ ସ୍ୱାଦିଷ୍ଟ ଭୋଜନ ପାଇଁ ପରସ୍ପରକୁ ଭେଟନ୍ତି ଯାହା ପରେ ପରସ୍ପରକୁ ଉପହାର ମଧ୍ୟ ଦିଅନ୍ତି । ଇରା ଏବଂ ନୁପୁରର କେଲବନ୍ ଫଙ୍କସନର ଫଟୋ ଏବେ ଇନଷ୍ଟାଗ୍ରାମରେ ଭାଇରାଲ ହେବାରେ ଲାଗିଛି । ଫଟୋରେ ନୁପର ଟ୍ରାଡିସନାଲ ଲୁକ୍ ସହିତ ନାକରେ ନୋଥ୍ ଲଗାଇଛନ୍ତି। ଯାହା ପାରମ୍ପାରିକ ଭାବରେ ମହାରାଷ୍ଟ୍ରୀୟ ସଂସ୍କୃତି ଅଟେ।
