ଓଡ଼ିଶା 365 (ବ୍ୟୁରୋ): ଦୀପାବଳିରେ ଫ୍ୟାନ୍ସମାନଙ୍କୁ ଉପହାର ଭେଟି ଦେବେ ବଲିଉଡ ଭାଇଜାନ ସଲମାନ ଖାନ୍ । ଖୁବଶୀଘ୍ର ଦର୍ଶକମାନଙ୍କ ଅପେକ୍ଷାର ଅନ୍ତ ଘଟିବାକୁ ଯାଉଛି । ଅର୍ଥାତ୍ ଆସନ୍ତା ୧୨ ତାରିଖ ଦୀପାବଳି ଦିନ ରିଲିଜ୍ ହେବାକୁ ଯାଉଛି ଟାଇଗର-ଥ୍ରୀ । ହେଲେ ବର୍ତ୍ତମାନ ଏହି ଫିଲ୍ମର ଆଉ ଏକ ପ୍ରୋମୋ ରିଲିଜ୍ ହୋଇଛି । ଯାହା ସୋସିଆଲ ମିଡିଆରେ ହଇଚଇ ସୃଷ୍ଟି କରିଛି । ପ୍ରୋମୋର ଆରମ୍ଭ ହୋଇଛି ଖଳନାୟକ ଆତିଶଙ୍କ ଭୂମିକାରେ ଥିବା ଇମ୍ରାନ ହାସମିଙ୍କ ଦମଦାର ଡାଇଲଗରୁ । ୫୦ ସେକେଣ୍ଡର ଏହି ପ୍ରୋମୋରେ ଭରଫୁର ଆକ୍ସନ ସିନ୍ ବି ରହିଛି । ଯାହା ଦର୍ଶକମାନଙ୍କ ମନକୁ ଛୁଇଁଛି ।
ସେପଟେ, ସେପ୍ଟେମ୍ବର ୨୭ରେ ‘ଟାଇଗର-୩’ର ଟିଜର ମୁକ୍ତିଲାଭ କରିଥିଲା। ଏଥିରେ ସଲମାନଙ୍କ ଦମ୍ଦାର ଲୁକ୍ ଦର୍ଶକ ମାନଙ୍କ ହୃଦୟ ଜିତିଥିଲା ।ଏହି ଫିଲ୍ମରେ ସଲମାନ ଖାନଙ୍କ ସହ କ୍ୟାଟ୍ରିନା ଏବଂ ଇମ୍ରାନ ହାଶମୀଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ । ସେହିପରି ଏହି ଫିଲ୍ମରେ ଇମ୍ରାନଙ୍କୁ ଏକ ଭିଲେନ୍ ଭୂମିକାରେ ମଧ୍ୟ ଦେଖିବାକୁ ମିଳିବ। ମନୀଷ ଶର୍ମାଙ୍କ ନିର୍ଦ୍ଦେଶିତ ଏହି ଫିଲ୍ମ ଦର୍ଶକମାନଙ୍କୁ ବେଶ୍ ଆକୃଷ୍ଟ କରିବ ହୋଲି ପୁରା ଟିମ୍ ଆଶାବାଦୀ ଅଛନ୍ତି । ଏହି ଫିଲ୍ମଟି ଦୀପାବଳିରେ ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ମୁକ୍ତିଲାଭ କରିବ । ଅନ୍ୟପଟେ, ଏହି ଫିଲ୍ମର ରିଲିଜକୁ ଆଉ ମାତ୍ର ଦିନ କେଇଟା ବାକି ଥିବା ବେଳେ ଆସନ୍ତା କାଲି ଠାରୁ ଆରମ୍ଭ ହେବାକୁ ଯାଉଛି ଆଡଭାନ୍ସ ବୁକିଂ ।
