ଓଡ଼ିଶା 365 (ବ୍ୟୁରୋ):ଚର୍ଚ୍ଚାରେ ବଲିଉଡ ଅଭିନେତ୍ରୀ କଙ୍ଗନା ରଣାୱତ। ସେ ସବୁବେଳେ ନିଜ ବିବୃତିକୁ ନେଇ ଚର୍ଚ୍ଚା ପରିସରକୁ ଆସିଥାନ୍ତି । ନିକଟରେ କଙ୍ଗନା ରାନାୱତଙ୍କ ଫିଲ୍ମ ‘ତେଜସ୍’ ପ୍ରେକ୍ଷାଳୟରେ ମୁକ୍ତିଲାଭ କରିଛି। ଏହି ଚଳଚ୍ଚିତ୍ରରେ କଙ୍ଗନା ଜଣେ ଭାରତୀୟ ବାୟୁସେନା ପାଇଲଟ୍ ଭୂମିକାରେ ଅଭିନୟ କରୁଥିବା ଦେଖିବାକୁ ମିଳିଛି। କଙ୍ଗନାଙ୍କ ଫିଲ୍ମ ଏକ ବର୍ଷ ପରେ ବଡ ପରଦାରେ ଦେଖିବାକୁ ପ୍ରଶଂସକମାନେ ଅପେକ୍ଷା କରିଥିଲେ । ଏହି ଅଭିନେତ୍ରୀ ମଧ୍ୟ ଫିଲ୍ମକୁ ଜୋରଦାର ପ୍ରମୋଟ୍ କରିଥିଲେ। ପ୍ରଥମ ଦିନର ଆକଳନ ଦେଖିବା ପରେ କୁହାଯାଇପାରେ ଯେ କଙ୍ଗନା ରାନାୱତ ‘ତେଜସ୍’କୁ ଏତେ ପ୍ରୋତ୍ସାହିତ କରି ଅଧିକ ଲାଭ ପାଇନାହାଁନ୍ତି। ଏହି ଚଳଚ୍ଚିତ୍ର ପରଦାରେ ଅଧିକ ଆଶ୍ଚର୍ଯ୍ୟଜନକ କାର୍ଯ୍ୟକରିନଥିଲା । ଏହି ଫିଲ୍ମର କଲେକସନ୍ ରୋଜଗାର ଆଶା କରାଯାଉଥିବା ଠାରୁ ବହୁତ କମ୍ ଅଟେ । ଯେଉଁଥିପାଇଁ କଙ୍ଗନାଙ୍କ ଫିଲ୍ମ ‘ତେଜସ୍’ ବକ୍ସ ଅଫିସରେ ଫ୍ଲପ୍ ହୋଇଯିବ ବୋଲି ଚର୍ଚ୍ଚା ହେଉଛି ।
ସେପଟେ ଏଥର ୨୦୨୪ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ କଙ୍ଗନା ପ୍ରସ୍ତୁତ ହେଉଥିବା ସେ ସୂଚିତ କରିଛନ୍ତି। ସୂଚନା ମୁତାବକ, କଙ୍ଗନାଙ୍କୁ ୨୦୨୪ ନିର୍ବାଚନ ବିଷୟରେ କିଛି ପ୍ରଶ୍ନ ପଚରାଯାଇଥିଲା । ସେ କହିଥିଲେ ଯେ, ଯଦି ଭଗବାନ ଶ୍ରୀକୃଷ୍ଣ ସନ୍ତୁଷ୍ଟ ହୁଅନ୍ତି, ତେବେ ସେ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ, ଯଦି ସେ ସୁଯୋଗ ପାଆନ୍ତି, ତେବେ ସେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ।
ପୂର୍ବରୁ ରାଜନୀତିରେ କଙ୍ଗନାଙ୍କୁ ନେଇ ଅନେକ ଚର୍ଚ୍ଚା ଳାଗିରହିଥିଲା । କାରଣ ସେ ସେ ମୋଦୀ ସରକାରଙ୍କ ଅନେକ ନୀତିକୁ ସମର୍ଥନ କରିଆସୁଛନ୍ତି। ଯେଉଁଥିପାଇଁ ସେ ସର୍ବଦା ତାଙ୍କ ବିରୋଧୀଙ୍କ ଟାର୍ଗେଟ କରନ୍ତି। ହେଲେ ବର୍ତ୍ତମାନ ତାଙ୍କର ଏହି ବିବୃତି ସ୍ପଟ କରିଛି ଯେ ଏଥର ୨୦୨୪ ନିର୍ବାଚନ ଲଢ଼ିପାରନ୍ତି କଙ୍ଗନା ।
