ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ଦକ୍ଷିଣ ଚଳଚ୍ଚିତ୍ର ଇଣ୍ଡଷ୍ଟ୍ରିର ଲୋକପ୍ରିୟ ଦମ୍ପତି ବରୁଣ ତେଜ ଏବଂ ଲାବନ୍ୟାଙ୍କ ଯୋଡି । ଦୁହେଁ ନଭେମ୍ବର ୧ରେ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଯାହାଙ୍କ ଫଟୋ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ତାଙ୍କ ବିବାହରେ କେବଳ ବିବାହରେ ପରିବାର ଏବଂ ଘନିଷ୍ଠ ବନ୍ଧୁ ଉପସ୍ଥିତ ଥିବା ଦେଖିବାକୁ ମିଳିଛି । ଦକ୍ଷିଣ ସୁପରଷ୍ଟାର ରାମ ଚରଣ ଏବଂ ଅଲୁ ଅର୍ଜୁନ ମଧ୍ୟ ଏହି ବିବାହରେ ଯୋଗ ଦେଇଥିଲେ। ଏହାସହ ତେଲୁଗୁ ଅଭିନେତା ତଥା ନିର୍ମାତା ନାଗା ବାବୁ କୋନିଡେଲା ବରୁଣ ତେଜଙ୍କୁ ମଧ୍ୟ ଦେଖିବାକୁ ମିଳିଥିଲା ।
ବିବାହ ପରି ଏହି ବିଶେଷ ଦିନରେ ବରୁଣ ଏମ୍ବ୍ରୋଡୋରୀ ଶେରୱାନି ସହିତ ଲାବନ୍ୟା ଲାଲ୍ ଶାଢୀ ପିନ୍ଧିଥିବାର ଦେଖିବାକୁ ମିଳିଥିଲା। ବରୁଣ ତେଜ ସୋସିଆଲ ମିଡିଆରେ ତାଙ୍କ ବିବାହର ଅନେକ ଫଟୋ ସେୟାର କରିଛନ୍ତି। ଯାହାକୁ ଦେଖି ଫ୍ୟାନ୍ସମାନେ ଖୁସି ହେବା ସହ ବିବାହର ଶୁଭେଚ୍ଛା ମଧ୍ୟ ଜଣାଇଛନ୍ତି ।
