ମୋ ଦଳ ମହାସଚିବ ପ୍ରଦୀପ ପ୍ରଧାନଙ୍କ ଗିରଫକୁ ବିରୋଧ କରି ଗଣ ସତ୍ୟାଗ୍ରହ

ଓଡ଼ିଶା 365 (ବ୍ୟୁରୋ): ମୋ ଦଳ ମହାସଚିବ ପ୍ରଦୀପ ପ୍ରଧାନଙ୍କ ଗିରଫକୁ ବିରୋଧ କରି ମୋ ଦଳ ତରଫରୁ ଗଣ ସତ୍ୟାଗ୍ରହ। ରାଜ୍ୟର ଜଣାଶୁଣା ସୂଚନା ଅଧିକାର କର୍ମୀ ତଥା ମୋ ଦଳର ମହାସଚିବ ପ୍ରଦୀପ ପ୍ରଧାନଙ୍କୁ ଗିରଫ ପ୍ରତିବାଦରେ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ ସହ ଜିଲ୍ଲାପାଳଙ୍କ କାର୍ଯ୍ୟଳୟ ସମ୍ମୁଖରେ ଧାରଣାକରିଛି ଦଳ । ପ୍ରଦୀପଙ୍କ ନାମରେ ବିଭିନ୍ନ ମିଥ୍ୟା ମକଦ୍ଦମା ଦାୟର କରି ଓଡ଼ିଶା ପୋଲିସ ରାଜନୈତିକ ଉଦ୍ଦେଶ୍ୟ ରଖି ରାତିଅଧିଆ ପ୍ରଦୀପଙ୍କୁ ଗିରଫ କରିଛି ବୋଲି ଅଭିଯୋଗ କରିଛି ଦଳ ।

ଏହି ଅବସରରେ ଜଗତସିଂହପୁର ଜିଲ୍ଲା ମୋ ଦଳ ପକ୍ଷରୁ ଏକ ବିକ୍ଷୋଭ ଶୋଭାଯାତ୍ରା ସ୍ଥାନୀୟ ଟାଉନ ହଲ ଠାରୁ ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟ ନିକଟରେ ପହଞ୍ଚିଥିଲା। ମୋ ଦଳର କର୍ମୀମାନେ ଜିଲ୍ଲାପାଳଙ୍କ କାର୍ଯ୍ୟାଳୟ ଫାଟକ ସମ୍ମୁଖରେ ଗଣ ସତ୍ୟାଗ୍ରହରେ ବସି ସରକାରଙ୍କ ବିରୁଦ୍ଧରେ ନାରାବାଜି କରିଛନ୍ତି। ପୋଲିସ ଦୁର୍ନୀତି ଓ ଅନ୍ୟାୟ ବିରୁଦ୍ଧରେ ସଂଗ୍ରାମ କରୁଥିବା ରାଜନେତାଙ୍କ ବିରୁଦ୍ଧରେ ଲଗାଇଥିବା ଏହି ମାମଲା କେତେଦୂର ସତ୍ୟ ଓ ତଥ୍ୟ ଆଧାରିତ ଏହାକୁ ନିରପେକ୍ଷ ସଂସ୍ଥା ଦ୍ଵାରା ତଦନ୍ତ କରାଯାଇ ଦୋଷୀ ପୋଲିସ ଅଧିକାରୀଙ୍କ ବିରୁଦ୍ଧରେ ଦୃଷ୍ଟାନ୍ତ ମୂଳକ କାର୍ଯ୍ୟାନୁଷ୍ଠାନ ନେବା ଓ ମିଥ୍ୟା ମକଦ୍ଦମା ପ୍ରତ୍ୟାହାର ସହିତ ନିସର୍ତ୍ତ ଖଲାସ କରିବାକୁ ନେଇ ରାଜ୍ୟପାଳଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି ।