ଜନ୍ମଦିନରେ ଫ୍ୟାନ୍ସମାନଙ୍କୁ ସରପ୍ରାଇଜ୍ ଦେଲେ କିଙ୍ଗଖାନ୍

ଓଡ଼ିଶା 365 (ବ୍ୟୁରୋ): ଆଜି କିଙ୍ଗଖାନଙ୍କ ଜନ୍ମଦିନ।୫୮ ବର୍ଷରେ ପାଦ ଥାପିଛନ୍ତି ଶାହରୁଖ । ସେ ତାଙ୍କ ଜୀବନକାଳ ମଧ୍ୟରେ ବଲିଉଡକୁ ଅନେକ ହିଟ୍ ଫିଲ୍ମ ଦେଇ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି । ବର୍ତ୍ତମାନ ସେ ସମସ୍ତଙ୍କ ହୃଦୟରେ ରାଜ୍ କରୁଛନ୍ତି । କେବଳ ଦେଶ ନୁହେଁ ବିଦେଶରେ ମଧ୍ୟ ତାଙ୍କର ଅନେକ ଫ୍ୟାନ ଫଲୋର୍ସ ରହିଛନ୍ତି । ନିଜର ଷ୍ଟାଇଲିସ୍ ଓ ରୋମାଣ୍ଟିକ ଅନ୍ଦାଜ ପାଇଁ ସେ ଚାରିଆଡ଼େ ପରିଚିତ ହୋଇଛନ୍ତି ।
ସେପଟେ ଫ୍ୟାନ୍ସମାନଙ୍କୁ ଜନ୍ମ ଦିନରେ ସରପ୍ରାଇଜ୍ ଦେଇଛନ୍ତି କିଙ୍ଗଖାନ୍ । ବର୍ତ୍ତମାନ ଡଙ୍କି ଫିଲ୍ମର ଟିଜର ରିଲିଜ ହୋଇଛି। ଏଥର ଶାହାରୁଖ ଏକ ଭିନ୍ନ କନସେପ୍ଟରେ ଚଳଚ୍ଚିତ୍ର ନିର୍ମାଣ କରୁଛନ୍ତି ଏବଂ ଏକ୍ସପେରିମେଣ୍ଟ ନୂଆ ମୋଡରେ ଆସିଛି। ଏହି ଟ୍ରେଲରରେ ୫ ଜଣ ସାଙ୍ଗଙ୍କ କାହାଣୀ ଦେଖିବାକୁ ମିଳିଛି । ଶାହାରୁଖଙ୍କ ଠାରୁ ପ୍ରଥମେ ଟିଜରଟି ଆରମ୍ଭ ହୋଇଛି । ଏଥିରେ କିଙ୍ଗଖାନ୍ ମରୁଭୂମି ଅଞ୍ଚଳରେ ଦୌଡୁଥିବାର ନଜର ଆସିଛନ୍ତି । ତାଙ୍କ ସହିତ ଅନ୍ୟ କିଛି ଲୋକ ମଧ୍ୟ ଅଛନ୍ତି । ତେବେ ଏହି କାହାଣୀଟିରେ ଶାହାରୁଖ ନିଜ ସାଙ୍ଗମାନଙ୍କ ସହିତ ବିଦେଶରେ ପହଞ୍ଚିବାରେ ସକ୍ଷମ କି ନୁହେଁ ତାହା ଉପରେ ନିର୍ମିତ ହୋଇଛି ।

ଅନ୍ୟପଟେ, ଶାହରୁଖଙ୍କ ଏହି ଫିଲ୍ମ ଡିସେମ୍ବର ୨୨, ୨୦୨୩ ରେ ରିଲିଜ ହେବାର ଥିଲା ହେଲେ ପରେ ଏହାର ମୁକ୍ତିଲାଭ ୨୧ ଡିସେମ୍ବର ୨୦୨୩କୁ ସ୍ଥଗିତ ରଖାଯାଇଥିଲା। ହେଲେ ଶାହରୁଖଙ୍କ ଜନ୍ମ ଦିନ ଥିବାରୁ ଫିଲ୍ମ ନିର୍ମାତା ଆଜି ଏହି ଫିଲ୍ମର ଟ୍ରେଲର ରିଲିଜ୍ କରିଛନ୍ତି । ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ରାଜକୁମାର ହିରାନୀ । ତେବେ ଶାହରୁଖଙ୍କ ବ୍ୟତୀତ ଏଥିରେ ବିକି କୌଶଲ, ତାପସୀ ପନ୍ନୁ, ବୋମାନ ଇରାନୀ, ସତୀଶ ଶାହାଙ୍କୁ ଦେଖିବାକୁ ମିଳିଛି ।