ଓଡ଼ିଶା 365 (ବ୍ୟୁରୋ): ବିଜେପି ସାଂସଦ ବସନ୍ତ ପଣ୍ଡାଙ୍କ ମୁହଁରେ ଭି.କେ.ପାଣ୍ଡିଆନଙ୍କ ପ୍ରଶଂସା । ଫାଇଭ୍-ଟି ଓ ନବୀନ ଓଡ଼ିଶା ଅଧ୍ୟକ୍ଷ ଭି.କେ,ପାଣ୍ଡିଆନଙ୍କ ପ୍ରଶଂସା ବିଜେପି ସାଂସଦ ବସନ୍ତ ପଣ୍ଡା କରିବା କଥା ଟି ଆଶ୍ଚର୍ଯ୍ୟ ଲାଗୁଥିଲେ ବି ସତ । ଗତକାଲି କଳାହାଣ୍ଡିରେ ରାଜ୍ୟ ସରକାରଙ୍କ ପକ୍ଷରୁ ଆୟୋଜିତ ଲକ୍ଷ୍ମୀ ବସ୍ ଯୋଜନାର ଉଦଘାଟନି କାର୍ଯ୍ୟକ୍ରମରେ ଦେଖିବାକୁ ମିଳିଥିଲା ଏହି ଦୃଶ୍ୟ ।
ମୁଖ୍ୟମନ୍ତ୍ରୀଙ୍କ ଉପସ୍ଥିତିରେ ଆୟୋଜିତ କାର୍ଯ୍ୟକ୍ରମରେ ଯୋଗଦେଇ ସାଂସଦ ବସନ୍ତ ପଣ୍ଡା ଭି.କେ. ପାଣ୍ଡିଆନଙ୍କୁ ପ୍ରଶଂସା କରିଥିଲେ । ଯୋଗଦାନ ପାଇଁ ତାଙ୍କୁ ଧନ୍ୟବାଦ କରିଥିଲେ । ବିରୋଧୀ ଦଳର ସାଂସଦ ପାଣ୍ଡିଆନଙ୍କୁ ଏଭଳି ପ୍ରଶଂସା କରିବା ସମୟର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି ।
