ଓଡ଼ିଶା 365 (ବ୍ୟୁରୋ): ଖୁବଶୀଘ୍ର ନିର୍ମାଣ ହୋଇପାରେ ପଞ୍ଜାବୀ ଗାୟକ ସିଦ୍ଧୁ ମୋସେୱାଲାଙ୍କ ଜୀବନ କାହାଣୀକୁ ନେଇ ଫିଲ୍ମ। ଏନେଇ ପ୍ରସ୍ତୁତି ଆରମ୍ଭ ହୋଇଥିବା ଶୁଣିବାକୁ ମିଳୁଛି । ପଞ୍ଜାବରେ ଡ୍ରଗ୍ସ ତଥା ହିଂସା ବୃଦ୍ଧି ପାଉଥିବା ପଛରେ ଗ୍ୟାଙ୍ଗଷ୍ଟରଙ୍କ ପ୍ରଭାବକୁ ନେଇ ଦିବଂଗତ ଗାୟକଙ୍କ ଉପରେ ଲେଖାଯାଇଥିବା ‘ହୁ କିଲ୍ଡ ମୋସୱାଲା’ବଡ଼ ପରଦାରେ ଦର୍ଶକମାନେ ଦେଖିପାରନ୍ତି ବୋଲି ଚର୍ଚ୍ଚା ହେଉଛି । ଏଥିରେ ଗାୟକଙ୍କ ମୃତ୍ୟୁ ଘଟଣାର ସମସ୍ତ କାହାଣୀ ରହିଛି।
ସୂଚନା ଅନୁଯାୟୀ, ପ୍ରଡକ୍ସନ୍ ହାଉସ୍ ‘ମ୍ୟାଚ୍ ବକ୍ସ ସଟ୍ସ’ ‘ହୁ କିଲ୍ଡ ମୋସୱାଲା’ ନାମକ ଏହି ପୁସ୍ତକ ରାଇଟ୍ସକୁ କିଣିଛନ୍ତି। ଖବର ମୁତାବକ, ମେ ୨୯ରେ ମୁସଓ୍ବାଲାଙ୍କୁ ଗୁଳି କରି ହତ୍ୟା କରାଯାଇଥିଲା। ଏହି ଘଟଣାରେ ୩୪ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ ହୋଇଛି। କୋର୍ଟରେ ୨୪ ଅଭିଯୁକ୍ତଙ୍କ ବିରୋଧରେ ଚାର୍ଜସିଟ ଦାଖଲ କରାଯାଇଛି। ଏହି ହତ୍ୟାକାଣ୍ଡରେ ସମ୍ପୃକ୍ତ ଜଗରୂପ ରୂପା ଏବଂ ମନପ୍ରୀତ ମନୁ କୁସାଙ୍କୁ ପୋଲିସ ଏନକାଉଣ୍ଟରରେ ହତ୍ୟା କରାଯାଇଛି। ସେମାନଙ୍କ ଏନକାଉଣ୍ଟର ସମ୍ପର୍କରେ କୋର୍ଟଙ୍କୁ ସୂଚନା ଦିଆଯାଇଥିଲା ।
