ଓଡ଼ିଶା 365 (ବ୍ୟୁରୋ): ଦୁଇ ପୁଅଝିଅଙ୍କୁ ସାବତ ମାର ମାଡ଼ ମାରି ଲହୁଲୁହାଣ କରିବା ଘଟଣାରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି ପୋଲିସ । ଏହି ଖବର ମିଡିଆ ସାମ୍ନାକୁ ଆସିବା ପରେ ପିଲାଙ୍କ ନିଜ ମା’ ଥାନାରେ ଅଭିଯୋଗ କରିଥିଲେ । ଏହି ଅଭିଯୋଗ ଆଧାରରେ ଆଠଗଡ ପୋଲିସ ବାପା ସୁନିଲ ନନ୍ଦ ଓ ସବାତ ମା’ ପୁଷ୍ପଲତାଙ୍କୁ ଗିରଫ କରିଛି । ସେମାନଙ୍କ ବିରୋଧରେ ଏକ ମାମଲା ରୁଜୁ ହୋଇଛି ।
କହିରଖୁ କି, ଆଠଗଡ ଥାନା ଅନ୍ତର୍ଗତ ଅଶୋକ ନଗର ଅଞ୍ଚଳରେ ଦୁଇଦିନ ତଳେ ବିସ୍କୁଟ୍ ଖାଇଦେବାରୁ କୁନି କୁନି ୨ ପୁଅ ଝିଅଙ୍କ ବାନ୍ଧି ମାଡ ମାରିଥିଲେ ସାବତ ମା । ଲହୁଲୁହାଣ କରିଥିଲେ । ହେଲେ ଗତ ୨ ଦିନ ତଳେ ନିଷ୍ଠୁରତାର ସବୁ ସୀମା ଟପି ଯାଇଥିଲା । ୧୩ ବର୍ଷର ପୁଅ ଓ ୧୦ ବର୍ଷର ଝିଅକୁ ନିସ୍ତୁକ ପିଟିଥିଲେ । ଲହୁ ଲୁହାଣ କରି ଦେଇଥିଲେ । ଶେଷରେ ପୁଅ-ଝିଅ ଦୁହେଁ ଘର ଛାଡି ପଳାଇ ଆସିଥିଲେ । ଦେହ ସାରା ମାଡର ଦାଗ । କେଉଁଠି ରକ୍ତ ଲାଗିଛି ତ କେଉଁଠି କଳା ପଡି ଫୁଲି ଯାଇଛି । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ। ପରେ ଉଭୟଙ୍କୁ କଟକ ସ୍ଥାନାନ୍ତର କରାଯାଇଛି ।
