ଓଡ଼ିଶା 365 (ବ୍ୟୁରୋ) : ବିଶ୍ୱକପ୍ ୨୦୨୩ରେ ପୁଣେର ମହାରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମଠାରେ ଖେଳାଯାଇଥିବା ମ୍ୟାଚରେ ଶ୍ରୀଲଙ୍କାକୁ ୭ ଓ୍ୱିକେଟରେ ପରାସ୍ତ କରି ବଜ ବିଜୟ ହାସଲ କରଛି ଆଫଗାନିସ୍ତାନ । ଚଳିତ ବିଶ୍ଵକପ୍ରେ ଆଫଗାନିସ୍ତାନ ଦଳ ଜବରଦସ୍ତ ପ୍ରଭାବଶାଳୀ ପ୍ରଦର୍ଶନ ଜାରି ରହିଛି। ଇଂଲଣ୍ଡ ଓ ପାକିସ୍ତାନକୁ ଧୂଳି ଚଟାଇବା ପରେ ଶ୍ରୀଲଙ୍କାକୁ ହରାଇ ସେମି ଫାଇନାଲ୍ ଆଶା ଉଜ୍ଜିବୀତ ରଖିଛି। ବ୍ୟାଟିଂ ଓ ବୋଲିଂ ଉଭୟ ବିଭାଗରେ ଚମତ୍କାର ପ୍ରଦର୍ଶନ କରିଛି ଦଳ। ଏଥିସହିତ ଷଷ୍ଠ ମୁକାବିଲାରୁ ତୃତୀୟ ବିଜୟ ହାସଲ କରି ଶ୍ରୀଲଙ୍କାକୁ ପଛରେ ପକାଇ ସପ୍ତମରୁ ସିଧା ପଞ୍ଚମ ସ୍ଥାନକୁ ଉଠିଛି ଆଫଗାନିସ୍ଥାନ।
ଶ୍ରୀଲଙ୍କା ପକ୍ଷରୁ ଆଫଗାନିସ୍ତାନ ୨୪୨ ରନର ବିଜୟ ଲକ୍ଷ୍ୟ ଟାର୍ଗେଟ ଦିଆଯାଇଥିଲା । ଆଫଗାନ ୪୫.୨ ଓଭରରେ ୩ ଓ୍ୱିକେଟ ହରାଇ ହାସଲ କରିନେଇଥିଲା । ଦଳ ପକ୍ଷରୁ ରେହମତ ଶାହ ୬୨ ରନ କରିଥିବାବେଳେ ହସମାତୁଲ୍ଲା ସାହିଦି ୫୮ ରନ କରିଥିଲେ ।ଏହି ମ୍ୟାଚରେ ଆଫଗାନିସ୍ତାନ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ଆଫଗାନିସ୍ତାନ ପକ୍ଷରୁ ଫଜଲହକ୍ ଫାରୁକି ୪ଟି ଓ୍ୱିକେଟ ନେଇଥିବାବେଳେ ମୁଜିବୁର ରେହମାନ ୨ଟି ଓ୍ୱିକେଟ ନେଇଥିଲେ । ବଡ଼ ଟିମ୍ ବିପକ୍ଷରେ ଆଫଗାନିସ୍ଥାନ ଜବରଦସ୍ତ ପ୍ରଦର୍ଶନ କରୁଥିବା ଦେଖିବାକୁ ମିଳିଛି।
