ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡର ହ୍ୟାଣ୍ଡସମ୍ ବୟ ଅର୍ଜୁନ କପୁର ଓ ଭୂମି ପେଡନେକର । ଯାହାଙ୍କ ଯୋଡି ବର୍ତ୍ତମାନ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଅର୍ଥାତ୍ ଫିଲ୍ମ ମେକର୍ସ ଏହି ଦୁହିଁଙ୍କ ଫ୍ୟାନ୍ସଙ୍କୁ ଏକ ସରପ୍ରାଇଜ୍ ଦେଇ ଫିଲ୍ମର ‘ଦ ଲେଡି କିଲର୍’ର ପ୍ରଥମ ଟ୍ରେଲର ରିଲିଜ୍ କରିଛନ୍ତି । ଏହି ଫିଲ୍ମର ଟ୍ରେଲର ଦର୍ଶକ ମାନଙ୍କ ମନଙ୍କୁ ବେଶ୍ ଛୁଇଁଛି । ସୂଚନା ଅନୁଯାୟୀ, ଫିଲ୍ମ ‘ଦ ଲେଡି କିଲର୍’ର ଟ୍ରେଲର ୨ ମିନିଟ୍ ୨୨ ସେକେଣ୍ଡେର ରହିଛି । ଅର୍ଜୁନ କପୁରଙ୍କ ଠାରୁ ଆରମ୍ଭ ହୋଇଛି ଟ୍ରେଲର୍ । ଏଥିରେ ଦେଖିବାକୁ ମିଳିଛି ଯେ,ଅର୍ଜୁନ କପୁର ଏକ ନୂଆ ସହରକୁ ରହିବା ପାଇଁ ଯାଇଛନ୍ତି । ସେଠାରେ ଭୂମି ପେଡନେକରଙ୍କ ସହ ତାଙ୍କର ଦେଖା ହେଉଛି । ଯାହା ଦର୍ଶକମାନଙ୍କୁ ପସନ୍ଦ ଆସିଛି ।
ଫିଲ୍ମ ‘ଦ ଲେଡି କିଲର୍’ ଜରିଆରେ ଅର୍ଜୁନ କପୁର ଓ ଭୂମି ପେଡନେକର ଏକା ସହିତ ସ୍କ୍ରିନ୍ ସେୟାର କରିଛନ୍ତି । ଏହାସହ ଫ୍ୟାନ୍ସଙ୍କୁ ଟ୍ରେଲରରେ ଅର୍ଜନୁ ଓ ଭୂମିଙ୍କ କେମେଷ୍ଟ୍ରି ବହୁତ ପସନ୍ଦ ଆସିଛି । କାରଣ ଏଥିରେ ଅର୍ଜୁନ କପୁର ଏକ ଭିନ୍ନ ଲୁକ୍ରେ ନଜର ଆସିଥିବାବେଳେ ଅଭିନେତ୍ରୀ ଭୂମି ମଧ୍ୟ ଏକ ଜବରଦସ୍ତ ଲୁକରେ ନଜର ଆସୁଛନ୍ତି । ତେବେ ଏହି ଫିଲ୍ମଟି ନଭେମ୍ବର ୩ରେ ବଡ ପରଦାକୁ ଆସିବା ସହ ଓଟିଟି ପ୍ଲାଟଫର୍ମରେ ମଧ୍ୟ ରିଲିଜ୍ ହେବ ।
