ଓଡ଼ିଶା 365 (ବ୍ୟୁରୋ): ଆଖିବୁଜିଲେ ହଲିଉଡ ଅଭିନେତା ମାଥ୍ୟୁ ପେରି । ଲସ ଆଞ୍ଜେଲ୍ସ ସ୍ଥିତ ବାସଭବନରେ ଏକ ଗରମ ଟବରେ ପଡି ମୃତ୍ୟୁ ବରଣ କରିଛନ୍ତି । ମାତ୍ର ୫୪ ବର୍ଷ ବୟସରେ ସେ ଏ ଦୁନିଆକୁ ଅଲବିଦା କହିଛନ୍ତି । ସୂଚନା ମୁତାବକ,୧୯୬୯ ମସିହାରେ ମାସାଚ୍ୟୁସେଟସରେ ଜନ୍ମଗ୍ରହଣ କରି କାନାଡ଼ାର ଓଟାୱାରେ ବଢ଼ିଥିଲେ ପେରୀ । କିଶୋର ବୟସରେ ସେ ଲସ୍ ଆଞ୍ଜେଲ୍ସକୁ ଆସି ଅଭିନୟ କ୍ୟାରିୟର ଆରମ୍ଭ କରିଥିଲେ ।୯୦ ଦଶକରେ ପ୍ରସାରିତ ଲୋକପ୍ରିୟ ଟିଭି କମେଡି ସିରିଏଲ ଫ୍ରେଣ୍ଡସରେ ସେ ଚାଣ୍ଡଲର ବିଙ୍ଗ୍ ଭୂମିକାରେ ଅଭିନୟ କରି ଦର୍ଶକ ମାନଙ୍କ ମନ ଜିଣିଥିଲେ । ଫ୍ରେଣ୍ଡସର ଚୂଡ଼ାନ୍ତ ଅଧ୍ୟାୟକୁ ଆମେରିକାରେ ସର୍ବାଧିକ ସଂଖ୍ୟକ ଲୋକ ଅର୍ଥାତ୍ ୫୨.୫ ନିୟୁତ ଦର୍ଶକ ଦେଖିଥିଲେ। ଫ୍ରେଣ୍ଡସ୍ ଟିଭି ସିରିଜରେ ସେ ଅନ୍ତର୍ଜାତୀୟ ସ୍ତରର ଅଭିନେତା ଭାବେ ଖ୍ୟାତି ଅର୍ଜନ କରିଥିଲେ। ଯାହାଙ୍କୁ ଆଜି ଦର୍ଶକମାନେ ଝୁରୀ ହେଉଛନ୍ତି ।
