ଓଡ଼ିଶା 365 (ବ୍ୟୁରୋ): ଆଜି ବଲିଉଡର ଚୁଲବୁଲି ନାୟିକା ଅନନ୍ୟା ପାଣ୍ଡେଙ୍କ ଜନ୍ମଦିନ । ସେ ତାଙ୍କର ୨୫ତମ ଜନ୍ମଦିନକୁ ବଡ଼ ଧୁମଧାମରେ ପାଳନ କରୁଛନ୍ତି। ଏହି ଅବସରରେ ଅଭିନେତ୍ରୀ କରୀନା କପୁର ଖାନ୍ ଜନ୍ମଦିନର ଶୁଭେଚ୍ଛା ଜଣାଇବା ସହ ଆଶୀର୍ବାଦ ପ୍ରଦାନ କରିଛନ୍ତି।
ସୂଚନା ମୁତାବକ, ଅଭିନେତା ଚଙ୍କି ପାଣ୍ଡେ ଏବଂ ଭବନ ପାଣ୍ଡେଙ୍କ ଝିଅ ହେଉଛନ୍ତି ଅନନ୍ୟା ପାଣ୍ଡେ । ଅନନ୍ୟା ଟାଇଗର ଶ୍ରଫ୍ ଏବଂ ତାରା ସୂତରିଆଙ୍କ ସହ ୨୦୧୯ରେ ରୋମାଣ୍ଟିକ କମେଡି ଫିଲ୍ମ ‘ଷ୍ଟୁଡେଣ୍ଟ ଅଫ୍ ଦ ଇୟର-୨’ରୁ ତାଙ୍କ ଅଭିନୟ କ୍ୟାରିୟର ଆରମ୍ଭ କରିଥିଲେ। ଏହାପରେ ସେ ‘ପତି, ପତ୍ନୀ ଔର ଓ୍ବ’ ଖାଲି ପିଲି, ଗେହରିୟାଁ ଆଦି ଅନେକ ଫିଲ୍ମରେ ଅଭିନୟ କରିଛନ୍ତି। ତାଙ୍କ ଅଭିନୟକୁ ଦର୍ଶକମାନେ ବେଶ୍ ପସନ୍ଦ କରିଥାନ୍ତି ।
ସେପଟେ ଅନନ୍ୟାଙ୍କ ଜନ୍ମଦିନରେ କରୀନା ଅନନ୍ୟାଙ୍କର ଏକ ଫଟୋ ଇନଷ୍ଟାଗ୍ରାମରେ ଶେୟାର କରିଛନ୍ତି । ସେ ଲେଖିଛନ୍ତି ଯେ, “ସବୁଠୁ ସୁନ୍ଦର ଏବଂ ଚମତ୍କାର। ଜନ୍ମଦିନର ଶୁଭେଚ୍ଛା। ଅନନ୍ୟା ଟନ୍ସ୍ ଅଫ୍ ଲଭ୍ ଆଣ୍ଡ୍ ହଗ୍ସ ।’’ ଏହାସହ ଅନେକ ବଲିଉଡ ସେଲିବ୍ରିଟି ମଧ୍ୟ ଅନନ୍ୟାଙ୍କୁ ତାଙ୍କ ଜନ୍ମଦିନର ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି ।
