ଓଡ଼ିଶା ଲିପଷ୍ଟିକ 365 (ବ୍ୟୁରୋ) : ଗତ କିଛି ଦିନ ହେବ ମାମୁଁ’ ଗୋବିନ୍ଦାଙ୍କ ସହ ଭଣଜା କୃଷ୍ଣା ଅଭିଷେକଙ୍କ ଝଗଡା ଚର୍ଚ୍ଚାରେ ରହିଥିଲା ବର୍ତ୍ତମାନ କିନ୍ତୁ ଉଭୟଙ୍କ ସଂପର୍କରେ କିଛିଟା ପରିବର୍ତ୍ତନ ଦେଖିବାକୁ ମିଳିଛି । ନିକଟରେ କୃଷ୍ଣା ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲ୍ରେ ଏକ ଭିଡିଓ ଶେୟାର କରିଛନ୍ତି ଯେଉଁଥିରେ ସେ ଗୋବିନ୍ଦାଙ୍କ ସହ ତାଙ୍କ ସୁପରହିଟ୍ ଗୀତ ‘ବଡେ ମିଆଁ ଛୋଟେ ମିଆଁ’ରେ ନାଚୁଥିବାର ନଜର ଆସିଥିଲା । ଏହା ଏକ ଥ୍ରୋବ୍ୟାକ୍ ଭିଡିଓ ।
କୃଷ୍ଣା ଏବଂ ଗୋବିନ୍ଦା କଳା ସୁଟ୍ରେ ମଞ୍ଚରେ ନାଚୁଥିବା ଦେଖିବାକୁ ମିଳେ। ତେବେ ଏହି ଭିଡିଓର କ୍ୟାପସନ୍ ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ତେବେ ଉଭୟ କୃଷ୍ଣା ଏବଂ ଗୋବିନ୍ଦାଙ୍କ ମଧ୍ୟରେ ଦୀର୍ଘ ୭ ବର୍ଷରୁ ଅଧିକ ସମୟ ହେଲା ବିବାଦ ଲାଗି ରହିଥିଲା । ଉଭୟଙ୍କ ମଧ୍ୟରେ କୌଣସି କଥାବାର୍ତ୍ତା ନଥିଲା । ଯେତେବେଳେ ବି ଗୋବିନ୍ଦାଙ୍କୁ ‘ଦି କପିଲ ଶର୍ମା ଶୋ’ରେ ଅତିଥି ଭାବରେ ଡକାଯାଉଥିଲା, କୃଷ୍ଣାଙ୍କୁ ସେହି ଏପିସୋଡରେ ଦେଖିବାକୁ ମିଳୁ ନଥିଲା ।
