ଓଡ଼ିଶା 365(ବ୍ୟୁରୋ): ଇଜିପ୍ଟରେ ଏକ ଭୟଙ୍କର ସଡ଼କ ଦୁର୍ଘଟଣା ହୋଇଥିବା ଖବର ମିଳିଛି । ଇଜିପ୍ଟର ବେହେରା ରୋଡ୍ରେ ଭୟଙ୍କର ସଡ଼କ ଦୁର୍ଘଟଣା ହୋଇଛି। ରିପୋର୍ଟ ଅନୁଯାୟୀ, ବେହେରା ରୋଡ୍ରେ ଏକାସାଙ୍ଗରେ ଅନେକ ଗାଡି ଧକ୍କା ହୋଇଥିଲା। ଏହି ଦୁର୍ଘଟଣାରେ ୩୫ ଜଣଙ୍କର ମୃତ୍ୟୁ ହୋଇଥିବାବେଳେ ୫୦ ରୁ ଅଧିକ ଲୋକ ଗୁରୁତର ହୋଇଛନ୍ତି। ଦୁର୍ଘଟଣାରେ ଅନେକ ବସ୍ ଓ କାର୍ କ୍ଷତିଗ୍ରସ୍ତ ହୋଇଛି।
ଏହି ଦୁର୍ଘଟଣା ବେହେରା ପ୍ରଦେଶଠାରୁ ପ୍ରାୟ ୧୩୨ କିଲୋମିଟର ଦୂରରେ ବୋଲି ଜଣାଯାଇଛି। ଖବର ଅନୁଯାୟୀ, ଗାଡିଗୁଡ଼ିକ ପରସ୍ପର ସହିତ ଧକ୍କା ହେବା ପରେ ଏକ କାରରୁ ପେଟ୍ରୋଲ ଲିକ୍ ହେବା ଆରମ୍ଭ ହୋଇଥିଲା, ଯାହା ପରେ କିଛି ଗାଡିରେ ନିଆଁ ଲାଗିଯାଇଥିଲା।
