ଗାଜାରେ ପାଦ ଦେଲେ, ସେଠାରେ ପୋତିଦେବୁ: ଇସ୍ରାଏଲକୁ ଇରାନର ଧମକ

ଓଡ଼ିଶା 365 (ବ୍ୟୁରୋ): ଇସ୍ରାଏଲ ଏବଂ ହମାସ ମଧ୍ୟରେ ଯୁଦ୍ଧ ଦିନକୁ ଦିନ ଭୟଙ୍କର ହେବାରେ ଲାଗିଛି । ୨୦ ଦିନ ହେବ ଏହି ଯୁଦ୍ଧ ଲଗାତର ଭାବେ ଜାରି ରହିଛି । ଗାଜା ପଟିରେ ଥିବା ହମାସର ଆଡ୍ଡା ଉପରେ ଲଗାତାର ରକେଟ ମାଡ କରୁଛି ଇସ୍ରାଏଲ । ଅନ୍ୟପଟେ ହମାସ ଓ ଲେବାନନରୁ ହିଜବୁଲ୍ଲା ମଧ୍ୟ ଇସ୍ରାଏଲ ଉପରେ ରକେଟ ଆକ୍ରମଣ କରୁଛନ୍ତି । ଏସବୁ ଭିତରେ ଇରାନ ଇସ୍ରାଏଲକୁ ଖୋଲାଖୋଲି ଧମକ ଦେଇଛି । ଇସ୍ରାଏଲ ସେନା ଯଦି ଗାଜାରେ ପାଦ ଦିଏ ତେବେ ସେଠାରେ ତାଙ୍କୁ ପୋତିଦେବୁ ବୋଲି କହିଛି ଇରାନ ।

ଇରାନ ପକ୍ଷରୁ କୁହାଯାଇଛି ଯେ, ଇସ୍ରାଏଲ କେବଳ ରକେଟ ମାଡ କରିପାରିବ । କିନ୍ତୁ ଗାଜା ପଟ୍ଟିରେ ପାଦ ଦେଲେ ତାଙ୍କୁ ସେଠାରେ ପୋତି ଦିଆଯିବ । ଇସ୍ରାଏଲ ପାଖରେ କୌଣସି ରାସ୍ତା ନାହିଁ । ଅନ୍ୟପଟେ ଗାଜା ପଟ୍ଟିକୁ ଚତୁଃପାଶ୍ୱର୍ରୁ ଘେରି ରଖିଛି ଇସ୍ରାଏଲ ସେନା । କିନ୍ତୁ ଏବେ ସୁଦ୍ଧା ଗ୍ରାଉଣ୍ଡ ଅପରେସନ ଆରମ୍ଭ କରିନି ଇସ୍ରାଏଲ । କେବଳ ହମାସର ଆଡ୍ଡାକୁ ସର୍ଜିକାଲ ଷ୍ଟ୍ରାଇକ ଜରିଆରେ ଧ୍ୱଂସ କରୁଛି ଇସ୍ରାଏଲ । ଗତ ୨୪ ଘଣ୍ଟାରେ ଇସ୍ରାଏଲ ହମାସର ୫ ଜଣ କମାଣ୍ଡରଙ୍କୁ ନିପାତ କରିଛି ।