ବିସିସିଆଇର ଘରୋଇ ସିଜିନ ପାଇଁ ମହିଳା ଦଳ ଘୋଷଣା କଲା ଓସିଏ, ଜାଣନ୍ତୁ ତାଲିକାରେ ଅଛନ୍ତି କିଏ କିଏ..

ଓଡ଼ିଶା 365 (ବ୍ୟୁରୋ): ବିସିସିଆଇର ଘରୋଇ ସିଜିନ ପାଇଁ ଓଡିଶା ମହିଳା ଦଳ ଘୋଷଣା କରିଛି ଓଡିଶା କ୍ରିକେଟ ଆସୋସିଏସନ(ଓସିଏ) । ଉଭୟ ୧୫ ବର୍ଷରୁ କମ ଓ ୧୯ ବର୍ଷ ରୁ କମ ମହିଳା ଟିମ ଘୋଷଣା କରାଯାଇଛି। ଓସିଏ ମହିଳା ଟିମ ଚୟନ ମୁଖ୍ୟ ରଶ୍ମିତା ମହାନ୍ତି ଏନେଇ  ସାମ୍ବାଦିକ ସମ୍ମିଳନୀ କରି ଏହି ଦୁଇ ଟିମର ତାଲିକା ଘୋଷଣା କରିଛନ୍ତି। ୧୫ ବର୍ଷ ରୁ କମ ଟିମ ପାଇଁ ମୋଟ ୧୫ ଜଣିଆ ଟିମ ଘୋଷଣା ହୋଇଛି । ଯାହାର ନେତୃତ୍ୱ ଭାର ସମ୍ଭାଳିବେ ଶୁଭଶ୍ରୀ ପାରାମାଣିକ। ଟିମରେ ଅନ୍ୟମାନଙ୍କ ମଧ୍ୟରେ ସ୍ଥାନ ପାଇଛନ୍ତି ସୁଭଲକ୍ଷ୍ମୀ ସିଂ, ଦୀପ ଶିଖା ନାୟକ, ଇପସୀତା ପରିଡା, ଅନ୍ୱେସା ଜେନା, ଅନନ୍ୟା ରାଉତ, ଅନନ୍ୟା ଦାସ, ମେଘା ପ୍ରଧାନ, ଗାୟତ୍ରି ଖୁଣ୍ଟିଆ ପ୍ରମୁଖ। ନଭେମ୍ବର ୧୭ ତାରିଖରେ ଚଣ୍ଡୀଗଡ଼ ବିପକ୍ଷରେ  ପ୍ରଥମ ମ୍ୟାଚ ଖେଳିବ ଏହି ଟିମ। ଏହାପରେ ଅରୁଣାଚଳ ପ୍ରଦେଶ, ରାଜସ୍ଥାନ, ବିଦର୍ଭ ଓ ଆନ୍ଧ୍ରପ୍ରଦେଶକୁ ଭେଟିବାର ସୂଚୀ ପ୍ରକାଶ ପାଇଛି। 

ସେହିପରି ୧୯ ବର୍ଷରୁ କମ ଟିମରେ ଜ୍ୟୋତି ପ୍ରସାଦଙ୍କୁ ଅଧିନାୟକ ଚୟନ କରାଯାଇଥିବା ବେଳେ ଟିମରେ ସାଇ କୃପା , ବିଜୟ ଲକ୍ଷ୍ମୀ ବେହେରା , ଅଙ୍କିତା ଗିରି,ପ୍ରାର୍ଥନା ପ୍ରତିଶୃତି ପୂଜା ଯାଦବ ଅଙ୍କିତା ସୁନା , ସ୍ମୃତିରେଖା ମହନ୍ତ ପ୍ରମୁଖ ସ୍ଥାନ ପାଇଛନ୍ତି। ତେବେ ଏହି ଟିମ ଆସନ୍ତା ମାସ ୧୯ ତାରିଖରେ ହାଇଦ୍ରାବାଦ ରେ ଆସାମ ବିପକ୍ଷରେ ତାର ପ୍ରଥମେ ମ୍ୟାଚ ଖେଳିବ। ତେବେ ଏହି ଦୁଇଟି ମହିଳା ଟିମ ବିସିସିଆଇ ର ଘରୋଇ ସିଜିନ ରେ ବେଶ ଭଲ ପଦର୍ଶନ କରିବ ବୋଲି ଆଶା ରଖିଛି ଓସିଏ।