ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ ଅଭିନେତ୍ରୀ ପ୍ରୀତି ଜିଣ୍ଟା । ବର୍ତ୍ତମାନ ସେ ଫିଲ୍ମ ଠାରୁ ନିଜକୁ ବହୁତ ଦୂରେଇ ଦେଇଛନ୍ତି । ହେଲେ ବି ତାଙ୍କୁ ନେଇ ଅନେକ କଥା ଚର୍ଚ୍ଚାକୁ ଆସେ । ସେ ବିବାହ ପରେ ବିଦେଶ ଚାଲି ଯାଇଥିଲେ। ହେଲେ ସେ ପ୍ରାୟତଃ ଭାରତକୁ ଆସି ବିଭିନ୍ନ ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମରେ ଯୋଗ ଦିଅନ୍ତି। ପ୍ରିତି ଜିନ୍ତା ମୁମ୍ବାଇରେ ରହୁଥିବାବେଳେ ମୁମ୍ବାଇରେ ତାଙ୍କର କୌଣସି ଘର ନଥିଲା। ହେଲେ ନିକଟରେ ପ୍ରୀତି କୋଟି କୋଟି ଟଙ୍କାର ଘର କିଣିଛନ୍ତି। ଏହି ଘର ସହିତ ଜଡିତ ଅନେକ ଅପଡେଟ୍ ମଧ୍ୟ ସାମ୍ନାକୁ ଆସିଛି । ପ୍ରୀତି ଅଭିନୟ ଜଗତରୁ ଦୂରେଇ ଯାଇଛନ୍ତି ସତ ହେଲେ ସେ ବର୍ତ୍ତମାନ ବଲିଉଡର ସବୁଠାରୁ ଧନୀ ସେଲିବ୍ରେଟି ଭାବେ ପରିଗଣିତ ହୋଇଛନ୍ତି ।
ସୂଚନା ମୁତାବକ, ପ୍ରୀତି ଜିଣ୍ଟା ମୁମ୍ବାଇର ପାଲି ହିଲ୍ସ ଅଞ୍ଚଳରେ ଏକ ନୂଆ ଘର କିଣିଛନ୍ତି। ଯାହା ୧୪୭୪ ବର୍ଗଫୁଟ। ଯାହାର ମୂଲ୍ୟ ୧୭.୧ କୋଟି ଟଙ୍କା ରହିଛି । ଏହି ବିଳାସପୂର୍ଣ୍ଣ ଆପାର୍ଟମେଣ୍ଟ ସହିତ ଦୁଇଟି ରିଜର୍ଭ ପାର୍କିଂ ଏରିଆ ମଧ୍ୟ ଅଛି।
ଖବର ମୁତାବକ, ଅଭିନେତ୍ରୀ ବିବାହ ପୂର୍ବରୁ ଏହି ବିଲଡିଂରେ ରହୁଥିଲେ। ଦୀର୍ଘ ବର୍ଷ ପରେ ସେ ଏହି ଆପାର୍ଟମେଣ୍ଟକୁ ନିଜ ନାଁରେ କିଣିଛନ୍ତି । ଏହାସହ ପ୍ରୀତିଙ୍କ ନିଟ୍ ମୂଲ୍ୟ ୧୫ ମିଲିୟନ୍ ଡଲାର୍ ଅର୍ଥାତ୍ ୧୧୦ କୋଟି ଟଙ୍କା ବୋଲି କୁହାଯାଉଛି। ପ୍ରୀତିଙ୍କର PZNZ ନାମକ ଏକ ପ୍ରଡକ୍ସନ ହାଉସ୍ ଅଛି । ଏହାସହ ସେ ଏକ ଆଇପିଏଲ୍ ଟିମ୍ କିଙ୍ଗସ୍ ଇଲେଭନ୍ ପଞ୍ଜାବର ମାଲିକ ଅଟନ୍ତି ।
