ଓଡ଼ିଶା 365 (ବ୍ୟୁରୋ): ଏଣିକି ନନ୍ଦନକାନନ ବୁଲିବା ହେଲା ଆହୁରି ସହଜ। ଚିକେଟ ପାଇଁ ଆଉ ଠିଆ ହେବେନି ଲମ୍ବା ଧାଡ଼ିରେଘଣ୍ଟା ଘଣ୍ଟା ସମୟ ଧରି ଅପେକ୍ଷା କରିବାକୁ ପଡ଼ିବନି । କେବଳ ହ୍ଵାଟସ ଆପରେ hi ମେସେଜ କଲେ ଚୁଟକିରେ ହେବ ଟିକେଟ ବୁକ୍। ଦେଶରେ ପ୍ରଥମ କରି ନନ୍ଦନକାନନ ପକ୍ଷରୁ ଏନେଇ ଜାରି ହୋଇଛି ହ୍ଵାଟସ ଆପ୍ ନମ୍ବର ।
ଦେଶରେ ଯେଉଁଠି ଥିଲେ ବି ଯେତେବେଳେ ଚାହିଁବେ ସେତେବେଳେ ନନ୍ଦନକାନନ ବୁଲିବାକୁ ଚାହିଁ ଏଣିକି ସହଜରେ କରିହେବ ଟିକେଟ ବୁକ୍। ଦେଶରେ ଥିବା ସମସ୍ତ ଚିଡ଼ିଆଖାନା ମଧ୍ୟରୁ ପ୍ରଥମ କରି ପ୍ରାଣୀ ଉଦ୍ୟାନ ନନ୍ଦନକାନନ ଆରମ୍ଭ କରିଛି ହ୍ୱାଟସ ଆପ୍ ମାଧ୍ୟମରେ ଅନଲାଇନ୍ ଟିକେଟ ବୁକିଂ ସୁବିଧା । 7671844856 ନମ୍ବର ରେ hi ମେସେଜ କିମ୍ବା qr କୋଡ ସ୍କାନ କରି ଟିକେଟ ବୁକିଂ ହେବ। ବିଭିନ୍ନ ସୋସିଆଲ ମିଡ଼ିଆ ପ୍ଲାଟଫର୍ମରେ ତିନୋଟି ଭାଷା ଯଥା ଓଡ଼ିଆ,ହିନ୍ଦୀ ଏବଂ ଇଂରାଜୀ ଭାଷାରେ ଟିକେଟ ବୁକ୍ କରିପାରିବେ ପର୍ଯ୍ୟଟକ।
