ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡର ଚୁଲବୁଲି ନାୟିକା ଆଲିଆ ଭଟ୍ଟ । ଯିଏ ସବୁବେଳେ ଦମଦାର ଅଭିନୟ ଯାଦୁରେ ଦର୍ଶକ ମାନଙ୍କୁ ବାନ୍ଧି ରଖିଥାନ୍ତି । ତାଙ୍କ ସୁନ୍ଦରତା ଆଗରେ ଫିକା ପଡିଯାଆନ୍ତି ଅନେକ ସେଲିବ୍ରିଟି । ତାଙ୍କ ଅଭିନୟ ଅନେକ ଯୁବକଙ୍କୁ ଦିୱାନା କରିଛି । ତାଙ୍କ କ୍ୟାରିୟର ଆରମ୍ଭରୁ ସେ ବଲିଉଡକୁ ଅନେକ ହିଟ୍ ଫିଲ୍ମ ଦେଇଛନ୍ତି । ହେଲେ ବର୍ତ୍ତମାନ ସେ ପ୍ରଯୋଜିକା ଭାବେ ଇଣ୍ଡଷ୍ଟ୍ରିରେ ନୂଆ ପରିଚୟ ସୃଷ୍ଟି କରିବାକୁ ଯାଉଛନ୍ତି । ସେ ନିଜର ଅପକମିଙ୍ଗ ପ୍ରୋଜେକ୍ଟ ‘ଜିଗ୍ରା’ ଘୋଷଣା କରିଛନ୍ତି । ତାଙ୍କ ପ୍ରଯୋଜନା ସଂସ୍ଥା ଏଟରନାଲ୍ ସନ୍ସାଇନ୍ ପ୍ରଡକ୍ସନ୍ ଅଧୀନରେ ନିର୍ମିତ ଡାର୍କ-କମେଡି ଫିଲ୍ମ ‘ଡାର୍ଲିଂସ୍’ ହିଟ୍ ହେବା ପରେ ଦର୍ଶକ ତାଙ୍କ ନୂଆ ପ୍ରୋଜେକ୍ଟକୁ ଆଗ୍ରହର ସହ ଅପେକ୍ଷା କରିଥିଲେ। ତାହାର ଅନ୍ତ ଖୁବଶୀଘ୍ର ଘଟିବାକୁ ଯାଉଛି । ଏଥର ସେ ନିଜ ବ୍ୟାନର୍ ଜରିଆରେ ଏଭଳି ଏକ ଆବେଗ ପୂର୍ଣ୍ଣ ବିଷୟ ପରଦାକୁ ଆଣିବେ। ଯାହାର ପ୍ରଭାବ ଦର୍ଶକଙ୍କ ଉପରେ ପରିଲକ୍ଷିତ ହେବ ।
ସେପଟେ ଆଲିଆ କହିଛନ୍ତି,କାହାଣୀ ସବୁଠି ଅଛି ଏବଂ କାହାଣୀ ହିଁ ସବୁକିଛି । ‘ଜିଗ୍ରା’ ଏକ ଥ୍ରିଲର୍ ଫିଲ୍ମ। ଯେଉଁଥିରେ ଭାଇ ଓ ଭଉଣୀର ଅତୁଟ ବନ୍ଧନକୁ ଦେଖିବାକୁ ମିଳିବ । ଏହି ଫିଲ୍ମର ଟିଜର୍ ପୋଷ୍ଟର୍ ସେୟାର ହେବା ପରେ ଫିଲ୍ମକୁ ନେଇ ଦର୍ଶକମାନେ ବେଶ୍ ଉତ୍ସାହର ସହ ଅପେକ୍ଷା କରିଛନ୍ତି । ସୂଚନା ମୁତାବକ, ଏଥିରେ ଆଲିଆଙ୍କ କଣ୍ଠ ସ୍ୱର ଶୁଣିବାକୁ ମିଳିଛି । ସେ କହୁଛନ୍ତି ‘ମୋତେ ଚାହଁ, ତୁମେ ମୋ ରାକ୍ଷୀ ପିନ୍ଧିଛ, ତୁମେ ମୋ ସୁରକ୍ଷାରେ ଅଛ । ମୁଁ କଦାପି ତୁମର କିଛି ବି ହେବାକୁ ଦେବି ନାହିଁ । ଭାଇ-ଭଉଣୀର ଏହି ଭାବପୂର୍ଣ୍ଣ କାହାଣୀ ଦର୍ଶକଙ୍କ ମନକୁ ଛୁଇଁବ ବୋଲି ସେ ଆଶାବାଦୀ ।
