ଓଡ଼ିଶା 365 (ବ୍ୟୁରୋ): ଗିରଫ ହେଲେ ରଜନୀକାନ୍ତଙ୍କ ଫିଲ୍ମ ‘ଜେଲର୍’ର ଖଳନାୟକ ଅଭିନେତା ବିନାୟକନ୍ । ତାଙ୍କୁ ମଙ୍ଗଳବାର ଦିନ ଗିରଫ କରାଯାଇଥିବା କଥା ଉତ୍ତର ଏର୍ଣ୍ଣାକୁଲମ୍ ପୁଲିସ ସୂଚନା ଦେଇଛି । ପୋଲିସ୍ ତାଙ୍କୁ ଏର୍ଣ୍ଣାକୁଲମ୍ ଜେନେରାଲ୍ ହସ୍ପିଟାଲ୍କୁ ନେଇ ତାଙ୍କ ସ୍ବାସ୍ଥ୍ୟାବସ୍ଥାର ଡାକ୍ତରୀ ପରୀକ୍ଷା ମଧ୍ୟ କରାଯାଇଛି। ନିଶାସକ୍ତ ଅବସ୍ଥାରେ ସର୍ବସାଧାରଣ ସ୍ଥାନରେ ଉତ୍ସୃଙ୍ଖଳ ଆଚରଣ କରିବା ଓ ଥାନା କାର୍ଯ୍ୟକଳାପରେ ବାଧା ଦେବା ଅଭିଯୋଗରେ ତାଙ୍କୁ ଗିରଫ କରାଯାଇଛି ବୋଲି ପୁଲିସ ସୂଚନା ଦେଇଛି ।
ସେପଟେ, ଗଣମାଧ୍ୟମକୁ ଉତ୍ତର ଏର୍ଣ୍ଣାକୁଲମ୍ ପୁଲିସ କହିଛନ୍ତି ଯେ, ଅଭଦ୍ର ଆଚରଣ କରିବା କାରଣରୁ ତାଙ୍କ ବିରୋଧରେ ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। କିଛି ସମୟ ପରେ ତାଙ୍କୁ ଥାନାରୁ ଜାମିନ ମିଳିବ ଓ ସେ ଏଥିରୁ ମୁକ୍ତ ହେବେ। ସେ ନିଶାସକ୍ତ ଥିବା କଥା ଆମେ ଜାଣିପାରିଛୁ। ସେଥିପାଇଁ ତାଙ୍କୁ ଗିରଫ କରାଯାଇଛି ।
