ନୂଆ କାର୍ କିଣିଲେ ଶ୍ରଦ୍ଧା କପୁର

ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ୍ ଅଭିନେତ୍ରୀ ଶ୍ରଦ୍ଧା କପୁର । ସବୁବେଳେ ନିଜ ଅଭିନୟ ଜାଦୁରେ ଦର୍ଶକ ମାନଙ୍କୁ ବାନ୍ଧି ରଖିଥାନ୍ତି ।ହେଲେ ବର୍ତ୍ତମାନ ସେ ତାଙ୍କ ନୂଆ କାରକୁ ନେଇ ଚର୍ଚ୍ଚାକୁ ଆସିଛନ୍ତି । ଶ୍ରଦ୍ଧା କାରର ବହୁତ ଶୌକିନ୍‌ । ସୂଚନା ଅନୁଯାୟୀ, ନୂଆ ଲମ୍ବରଗିନି କାର କିଣିଛନ୍ତି ଶ୍ରଦ୍ଧା କପୁର। କାର୍ ଶୋ’ରୁମ୍ ଅଟୋମୋବିଲି ଆର୍ଡେଣ୍ଟ ଇଣ୍ଡିଆ ଏକ ପୋଷ୍ଟ ମାଧ୍ୟମରେ ଶ୍ରଦ୍ଧାଙ୍କ ନୂଆ ଗାଡି କିଣିବା ବିଷୟରେ ସୂଚନା ଦେଇଛି । ଶୋ’ରୁମ୍‌ ନିଜର ଇନଷ୍ଟାଗ୍ରାମ ଆକାଉଣ୍ଟରେ ଶ୍ରଦ୍ଧାଙ୍କ ଫଟୋ ଏହି ଫଟୋ ସେୟାର କରି ଲେଖିଛି ଯେ, ‘କୌଣସି ଅଜବ ଉପାୟ ନୁହଁ, ଶ୍ରଦ୍ଧା କପୁର ବର୍ତ୍ତମାନ ଏକ ହୁରାକାନ୍ ଟେକ୍ନିକା କିଣିଛନ୍ତି! ଯାହାର ମୂଲ୍ୟ ୪.୦୪ କୋଟି ଟଙ୍କା ।

ଏହା ପୂର୍ବରୁ ଶ୍ରଦ୍ଧା ବିଏମଡବ୍ଲୁ ୭ ସିରିଜ୍ କିଣିଥିଲେ । ଯାହାର ମୂଲ୍ୟ ୨.୪୬ କୋଟି ଟଙ୍କା ଥିଲା। ତେବେ ଏହି ଫଟୋରେ ଶ୍ରଦ୍ଧା ଖୋଲା କେଶ ଏବଂ କପାଳରେ ବିନ୍ଦି ଲଗାଇ ଏକ ଧଳା ରଙ୍ଗର ସୁଟରେ ନଜର ଆସିଛନ୍ତି । ଯେଉଁଥିରେ ସେ ଖୁବ୍ ସୁନ୍ଦର ଦେଖାଯାଉଛନ୍ତି ।