ପୁରୀ ସମୁଦ୍ରରେ ବୁଡ଼ି ପର୍ଯ୍ୟଟକଙ୍କ ମୃତ୍ୟୁ

ଓଡ଼ିଶା 365 (ବ୍ୟୁରୋ) :ପୁଣି ପୁରୀରେ ଅଘଟଣ । ସମୁଦ୍ରରେ ପୁଣି ବୁଡ଼ି ପର୍ଯ୍ୟଟକ ମୃତ । ସମୁଦ୍ରରେ ଗାଧୋଇବା ସମୟରେ ଏହିଭଳି ଅଘଟଣ ଘଟିଥିବା ଜଣାପଡ଼ିଛି । ମୃତ ପର୍ଯ୍ୟଟକ ହେଉଛନ୍ତି ପଶ୍ଚିମବଙ୍ଗର ଅର୍ଚ୍ଚିତ ବାନାର୍ଜୀ ।

ଖବର ଅନୁଯାୟୀ, ପୁରୀ ଲାଇଟ୍‌ ହାଉସ୍‌ ନିକଟ ବିର୍ଲା ଗେଷ୍ଟ ହାଉସ୍‌ ସାମ୍ନା ବେଳାଭୂମିରେ ଗାଧାଉଥିଲେ ଅର୍ଚ୍ଚିତ ବାନାର୍ଜୀ । ଏହି ସମୟରେ ହଠାତ୍‌ ପାଣିରେ ବୁଡି ଯାଇଥିଲେ ଅର୍ଚ୍ଚିତ । ଏହାଦେଖି ନିକଟରେ ଥିବା ଲାଇଫ୍‌ ଗାର୍ଡ ଘଟଣାସ୍ଥଳରେ ପହଞ୍ଚି ଅର୍ଚ୍ଚିତଙ୍କୁ ଉଦ୍ଧାର କରିଥିଲେ । ଏହାପରେ ତାଙ୍କୁ ଚିକିତ୍ସା ଲାଗି ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।