ଓଡ଼ିଶା 365(ବ୍ୟୁରୋ): ଚର୍ଚ୍ଚାରେ ବଲିଉଡ କ୍ୟୁଇନ୍ ଜ୍ୟାକଲିନ୍ ଫର୍ଣ୍ଣାଣ୍ଡିଜ୍ । ନିଜର ଦମଦାର ଅଭିନୟ ସାଙ୍ଗକୁ ଷ୍ଟାଇଲିସ୍ ଲୁକରେ ଦର୍ଶକମାନଙ୍କୁ ବାନ୍ଧି ରଖିିଥାନ୍ତି । ଏହାସହ ସେ ଅଧିକାଂଶ ସମୟରେ ତାଙ୍କର ଲାଟେଷ୍ଟ ଫଟୋ ଏବଂ ଭିଡିଓ ସେୟାର କରନ୍ତି । ହେଲେ ବର୍ତ୍ତମାନ ସେ କୌଣସି ଫିଲ୍ମ କିମ୍ବା ବିବାଦକୁ ନେଇ ଚର୍ଚ୍ଚାକୁ ଆସିନାହାନ୍ତି । ବରଂ ସେ ନିଜ ବ୍ୟକ୍ତଗତ ଜୀବନକୁ ନେଇ ଚର୍ଚ୍ଚାକୁ ଆସିଛନ୍ତି । ଜ୍ୟାକଲିନ୍ ଫର୍ଣ୍ଣାଣ୍ଡିଜ୍
ବାବା କେଦାରନାଥଙ୍କୁ ଦର୍ଶନ କରିବାକୁ ଯାଇଛନ୍ତି। ଯାହାର ଫଟୋ ଏବଂ ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି । ସେପଟେ, ପ୍ରଶଂସକମାନେ ମଧ୍ୟ ଅଭିନେତ୍ରୀଙ୍କ ଫଟୋକୁ ବହୁତ ପସନ୍ଦ କରୁଛନ୍ତି ।
ଖବର ମୁତାବକ, ପ୍ରବଳ ତୁଷାରପାତ ମଧ୍ୟରେ ଜ୍ୟାକଲିନ୍ କେଦାରନାଥ ମନ୍ଦିର ପରିଦର୍ଶନ କରିଥିଲେ। ପ୍ରଥମ ଫଟୋରେ ଜ୍ୟାକଲିନଙ୍କୁ ତାଙ୍କ ଟିମ୍ ସହିତ ଦେଖିବାକୁ ମିଳିଥିବାବେଳେ। ଦ୍ୱିତୀୟ ଫଟୋରେ କେଦାରନାଥ ମନ୍ଦିରର ଏକ ସୁନ୍ଦର ଦୃଶ୍ୟ ଥିବା ସହ ତୃତୀୟ ଫଟୋରେ ଜ୍ୟାକଲିନ୍ ସୂର୍ୟ୍ୟଙ୍କୁ ଦେଖୁଥିବା ନଜର ଆସିଛନ୍ତି । ଏହା ବ୍ୟତୀତ ସେ ଆହୁରି ଅନେକ ଫଟୋ ସୋସିଆଲ ମିଡିଆରେ ସେୟାର କରିଛନ୍ତି। ଅନ୍ୟପଟେ ଜ୍ୟାକଲିନଙ୍କ ଫଟୋକୁ ନେଇ ୟୁଜର୍ସ ମାନେ ଅନେକ ମନ୍ତବ୍ୟ ଦେଉଥିବା ମଧ୍ୟ ଦେଖିବାକୁ ମିଳିଛି । ଜଣେ ୟୁଜର୍ସ ଲେଖିଛନ୍ତି ହର ହର ମହାଦେବ । ଏହି ସମୟରେ, ଅନ୍ୟ ଜଣେ ୟୁଜର୍ସ ଲେଖିଛନ୍ତି ଯେ ଏହା ବହୁତ ଭଲ ଅଟେ । ଆଉ ଜଣେ ୟୁଜର୍ସ ଲେଖିଛନ୍ତି ବହୁତ ସୁନ୍ଦର ।
