ରାସ୍ତାରେ ଚାଲୁଚାଲୁ ହଠାତ୍ ହୁତହୁତ ହୋଇ ଜଳିଲା କାର, ଅଳ୍ପକେ ବର୍ତ୍ତିଗଲେ ଜଣେ ଶିଶୁ ସମେତ ୪ ଜଣ

ଓଡ଼ିଶା 365 (ବ୍ୟୁରୋ): ରାସ୍ତାରେ ଚାଲୁଚାଲୁ ହଠାତ୍ ହୁତହୁତ ହୋଇ ଜଳିଲା କାର। ଏହା ପରେ କାରରେ ଥିବା ଯାତ୍ରୀଙ୍କୁ ସୁରକ୍ଷିତ ଉଦ୍ଧାର କରାଯାଇଛି । ଭୟଙ୍କର ଦୁର୍ଘଟଣାରୁ ଅଳ୍ପକେ ବର୍ତ୍ତିଯାଇଛନ୍ତି ଜଣେ ଶିଶୁ ସମେତ ୪ ଜଣ। ଏପରି ଭୟଙ୍କର ଦୁର୍ଘଟଣା ଦେଖିବାକୁ ମିଳିଛି ଭୁବନେଶ୍ୱର ଉପଖଣ୍ଡ ବାଲିପାଟଣା ଥାନା ଅନ୍ତର୍ଗତ ନିଶ୍ଚିନ୍ତ ପୁରଠାରେ ।  କାରଟି ଜଳିବା ପରେ ବିଲ ତଳକୁ ଖସି ପଡିଥିଲା । ତେବେ କାର ଜଳିବାର କାରଣ ଏ ଯାଏ ଜଣାପଡି ନାହିଁ ।

ସୂଚନାଯୋଗ୍ୟ, ମଙ୍ଗଳବାର ରାତିରେ କାରଟି ରାଜସରୁ ପୂବାଗଡ ପଟକୁ ଆସୁଥିଲା । ହେଲେ ନିଶ୍ଚିନ୍ତପୁର ନିକଟରେ ହଠାତ କାରଟି ଜଳିବାକୁ ଆରମ୍ଭ କରିଥିଲା । ଅଗ୍ନିକାଣ୍ଡରେ କାରଟି ସମ୍ପୂର୍ଣ୍ଣ ଜଳି ଯାଇଥିଲା । ତେବେ କାର ଭିତରେ ଥିବା ୪ ଜଣ ଯାତ୍ରୀ ଅଳ୍ପକେ ବର୍ତ୍ତି ଯାଇଛନ୍ତି ।