ଟ୍ରେନ୍ ଧକ୍କାରେ ମାଈ ହାତୀର ମୃତ, ଅଳ୍ପକେ ବର୍ତ୍ତିଲା ଦନ୍ତା

ଓଡ଼ିଶା 365 (ବ୍ୟୁରୋ): କେନ୍ଦୁଝର ଜିଲ୍ଲା ଚମ୍ପୁଆ ରେଞ୍ଜ ବାମେବାରୀ ପଳସା ଗ୍ରାମ ନିକଟସ୍ଥ ଟ୍ରେନ ଲାଇନ ଉପରେ ହାତୀକୁ ଧକ୍କା ଦେଲା ମାଲବାହୀ ଟ୍ରେନ୍। ଟ୍ରେନ୍ ଧକ୍କାରେ ମାଈ ହାତୀର ମୃତ ହୋଇଛି। ଆଜି ସକାଳ ୫ଟାରେ ହାତୀପଲ ଟ୍ରେନ ଲାଇନ ଅପରପାର୍ଶ୍ଵରେ ଥିବାବେଳେ ମାଈ ହାତୀଟି ଟ୍ରେନ ଲାଇନ ପାର ହେଉଥିଲା। ଏମିକିବେଳେ ଏକ ମାଲବାହୀ ଟ୍ରେନ ତାକୁ ଧକ୍କା ଦେଇଥିଲା। ତେବେ ଘଟଣାସ୍ଥଳରେ ମାଈ ହାତୀର ମୃତ୍ୟୁ ହୋଇଥିବାର ସୂଚନା ମିଳିଛି । ଆଉ ଏକ ଦନ୍ତା ହାତୀ ଟ୍ରେନ ଲାଇନରେ ପଡ଼ି ଅଳ୍ପକେ ବଞ୍ଚି ଯାଇଥିବା ଜଣାପଡ଼ିଛି।

ତକାଲି ବନ ବିଭାଗ ହାତୀ ଗତିବିଧିର କୌଣସି ସୂଚନା ରଖି ନ ଥିବାରୁ ଏହି ଦୁର୍ଘଟଣା ଘଟିଛି ବୋଲି ସ୍ଥାନୀୟ ଲୋକେ କହିଛନ୍ତି। ମୃତ ହାତୀର ବୟସ ପାଖାପାଖି ୩୦ ବର୍ଷ ବୋଲି କହିଛି ବନ ବିଭାଗ।