ଓଡ଼ିଶା 365 (ବ୍ୟୁରୋ): ମା’ଙ୍କ ଆଗମନରେ ସାରା ଦେଶରେ ଧୁମଧାମରେ ଦଶହରାର ସେଲିବ୍ରେସନ ହୋଇଥିଲା । ବଲିଉଡ୍ ଠାରୁ ଟଲିଉଡ୍ ପର୍ଯ୍ୟନ୍ତ ସବୁ ସେଲିବ୍ରିଟି ଦଶହରା ପର୍ବକୁ ବହୁ ଧୁମଧାମର ସହିତ ପାଳନ କରିଛନ୍ତି। ଏହି ସମୟରେ ଅଭିନେତା ବିଜୟ ଦେବରାକୋଣ୍ଡା ମଧ୍ୟ ହାଇଦ୍ରାବାଦସ୍ଥିତ ତାଙ୍କ ଘରେ ଦଶହରା ପୂଜା କରିଥିଲେ। ଯାହାର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ସେପଟେ ନିଜେ ବିଜୟ ଇନଷ୍ଟାଗ୍ରାମରେ ଫଟୋ ସେୟାର କରିଛନ୍ତି।ଏହି ଫଟୋରେ ସେ ଧଳା ପାଇଜାମା ଏବଂ ହଳଦିଆ କୁର୍ତ୍ତା ପିନ୍ଧିଥିବାର ନଜର ଆସିଥିଲେ। ପ୍ରଥମ ଫଟୋରେ ତାଙ୍କୁ ଟୀକା ଲଗାଯାଉଥିବାର ନଜର ଆସିଥିଲେ । ଦ୍ୱିତୀୟ ଫଟୋରେ ଅଭିନେତା ତାଙ୍କ ପରିବାର ସହିତ ପୂଜା କରୁଥିବାର ଦେଖିବାକୁ ମିଳିଛି । ସୋସିଆଲ ମିଡିଆରେ ଫଟୋ ସେୟାର କରି ବିଜୟ ଲେଖିଛନ୍ତି ଯେ, “ହାପି ଫ୍ୟାମିଲି ପୂଜା । ତୁମ ସମସ୍ତଙ୍କୁ ଦଷହରା ଶୁଭେଚ୍ଛା। ”
ଅନ୍ୟପଟେ, ପ୍ରଶଂସକମାନେ ମଧ୍ୟ ଏହି ଉତ୍ସବ ପାଇଁ ଅଭିନେତାଙ୍କୁ କାମନା କରିଥିଲେ। ସୂଚନା ମୁତାବକ, ଗତକାଲି ରାତିରେ ମୁମ୍ବାଇ ବିମାନବନ୍ଦରରେ ରଶ୍ମିକାଙ୍କୁ ଦେଖିବାକୁ ମିଳିଥିଲା। ତାଙ୍କ କପାଳରେ ପୂଜାଙ୍କ ତିଲକ ଲଗାଇଥିବାର ନଜର ଆସିଥିଲେ। ରଶ୍ମିକାଙ୍କ ଭିଡିଓକୁ ଦେଖି ୟୁଜର୍ସମାନେ ଅନୁମାନ କରୁଛନ୍ତି ଯେ ଅଭିନେତ୍ରୀ ବିଜୟଙ୍କ ଘରେ ପୂଜାରେ ଉପସ୍ଥିତ ଥିଲେ ବୋଲି । ବିଜୟ ଏବଂ ରଶ୍ମିକାଙ୍କ ସମ୍ପର୍କକୁ ନେଇ ଦୀର୍ଘ ଦିନ ଧରି ଚର୍ଚ୍ଚା ଚାଲି ଆସୁଛି। ଦୁହେଁ ସର୍ବଦା ପରସ୍ପରକୁ ଭଲ ବନ୍ଧୁ ବୋଲି କହୁଛନ୍ତି । ହେଲେ ଫ୍ୟାନ୍ସମାନେ ଏହି ଯୋଡିଙ୍କୁ ଖୁବ୍ ପସନ୍ଦ କରିବା ସହ ପରସ୍ପରକୁ ବିବାହ କରିବା ପାଇଁ ମଧ୍ୟ ଅନୁରୋଧ କରୁଛନ୍ତି ।
