ଓଡ଼ିଶା 365 (ବ୍ୟୁରୋ) : ନିଜ ସ୍ତ୍ରୀ ଏବଂ ପୁଅ ଉପରେ ଟ୍ରକ ଚଢ଼ାଇ ଦେଲା ସ୍ୱାମୀ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଗୁଜୁରାଟର ରାଜକୋଟ ଜିଲ୍ଲାରେ । ଏହି ଘଟଣା ପରେ ଘଟଣାସ୍ଥଳରେ ଅଭିଯୁକ୍ତ ପୁଅର ମୃତ୍ୟୁ ହୋଇଯାଇଥିବା ବେଳେ ସ୍ତ୍ରୀଙ୍କୁ ଗୁରୁତର ଆହତ ଅବସ୍ଥାରେ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ସେଠାରେ ତାଙ୍କର ମୃତ୍ୟୁ ଘଟିଥିଲା । ତେବେ ଖବର ପାଇଁ ପୁଲିସ ଘଟଣାସ୍ଥଳରେ ପହଁଞ୍ଚି ତଦନ୍ତ ଆରମ୍ଭ କରିଛି ।
ପୁଲିସ ଘଟଣାସ୍ଥଳରୁ ମୃତ ପୁଅର ଶରୀରକୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ଦେଇଥିବା ବେଳେ ଟ୍ରକ ଚାଳକ ବାପାଙ୍କୁ ଗିରଫ କରିଥିଲା । ତେବେ ସୂଚନା ମୁତାବକ ପାରୁଲବେନ ନାମକ ଜଣେ ମହିଳା ତାଙ୍କ ପୁଅକୁ ଧରି ସ୍ବାମୀଙ୍କୁ ଛାଡ଼ି ତାଙ୍କର ପ୍ରେମିକଙ୍କ ସହିତ ବସବାସ କରୁଥିଲେ । ତେବେ ଏହି ଘଟଣାଟି ସ୍ବାମୀଙ୍କୁ ବହୁତ ବାଧିଥିଲା । ଯାହାଫଳରେ ସେ ଏହିଭଳି ଭୟାବହ କାଣ୍ଡ ଘଟାଇଥିବା ପ୍ରାଥମିକ ତଦନ୍ତରୁ ଜଣାପଜିଛି ।
