ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ତାମିଲ ସୁପର୍ଷ୍ଟାର ଥାଲାପତି ବିଜୟଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଲିଓ । ଗତ ଗୁରୁବାର ଦିନ ବଡ଼ ପରଦାରେ ମୁକ୍ତିଲାଭ କରିଛି ଫିଲ୍ମ ‘ଲିଓ’ । ରିଲିଜ୍ର ପ୍ରଥମ ଦିନ ଅଦ୍ୟାବଧି ବିଶ୍ୱସ୍ତରରେ ସର୍ବାଧିକ ଆୟ କରିଥିବା ଶୀର୍ଷ ୧୦ ଭାରତୀୟ ଫିଲ୍ମ ତାଲିକାରେ ଏହା ସାମିଲ ହୋଇଛି । ଶାହରୁଖ ଏବଂ ସାଉଥ୍ ସୁପରଷ୍ଟାର ରଜନୀକାନ୍ତଙ୍କ ଏବଂ ଅନେକ ଫିଲ୍ମର ରେକର୍ଡ ଭାଙ୍ଗି ଆଗେଇ ଚାଲିଛି ଫିଲ୍ମ ‘ଲିଓ’ । ‘ଲିଓ’ ହେଉଛି ବିଜୟଙ୍କ କ୍ୟାରିୟରର ସବୁଠାରୁ ବଡ ଚଳଚ୍ଚିତ୍ର। ‘ମାଷ୍ଟର’ର ବିରାଟ ସଫଳତା ପରେ ବିଜୟ ଦ୍ୱିତୀୟ ଥର ଫିଲ୍ମ ନିର୍ମାତା ଲୋକେଶ କାନାଗରାଜଙ୍କ ସହ ‘ଲିଓ’ ’ସହିତ ପ୍ରତ୍ୟାବର୍ତ୍ତନ କରିଥିଲେ। ଏହି ଫିଲ୍ମ ବକ୍ସ ଅଫିସରେ ମଧ୍ୟ ଭଲ ପ୍ରଦର୍ଶନ କରିଛି। ବିଜୟଙ୍କ ବ୍ୟତୀତ ସଞ୍ଜୟ ଦତ୍ତ ଏବଂ ତ୍ରିଶା ଏହି ଚଳଚ୍ଚିତ୍ରରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି।
ସୂଚନା ଅନୁଯାୟୀ, ରିଲିଜର ପ୍ରଥମ ଦିନ ‘ଲିଓ’ ଭାରତରେ ସବୁ ଭାଷାରେ ୬୮ କୋଟି ଆୟ କରିଛି । ବିଦେଶରେ ଏହା ୬୫ କୋଟି ଆୟ କରିଛି । କଲିଉଡ୍ ଫିଲ୍ମ ଭାବେ ବିଶ୍ୱସ୍ତରରେ ପ୍ରଥମ ଦିନ ଏହି ଫିଲ୍ମ ସର୍ବାଧିକ ଆୟର ରେକର୍ଡ କରିଛି । ପ୍ରଥମ ଦିନରେ ବିଶ୍ୱସ୍ତରରେ ଫିଲ୍ମର କଲେକ୍ସନ୍ ୧୪୫ କୋଟି ଟପିଥିବାବେଳେ ଘରୋଇ ବଜାରରେ ବିଜୟଙ୍କ ଫିଲ୍ମ ୨୦୦ କୋଟି ଟଙ୍କା ଅତିକ୍ରମ କରି୫ମ ଦିନରେ ମୋଟ ପାଞ୍ଚ ଦିନ ମଧ୍ୟରେ ବହୁତ ଆୟ କରିଛି। ମୋଟ ଉପରେ ଏହି ଫିଲ୍ମ ମାତ୍ର ୫ ଦିନ ମଧ୍ୟରେ ୪୦୦ କୋଟି ଟଙ୍କା ଛୁଇଁଛି।
