ବିଗବସ୍ ଶୋ’ ମଝିରୁ ଏହି ପ୍ରତିଯୋଗୀଙ୍କୁ ଉଠାଇ ନେଲା ପୋଲିସ୍

ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବିଗବସ୍ ସିଜିନ ୧୭ । ଯାହାକୁ ହୋଷ୍ଟ କରୁଛନ୍ତି ବଲିଉଡ ଭାଇଜାନ ସଲମାନ ଖାନ । ବିଗବସକୁ ନେଇ ଦର୍ଶକମାନଙ୍କ ଭିତରେ ଅନେକ କ୍ରେଜ ଭରି ରହିଛି । ଏହି ଶୋ’କୁ ନେଇ ଏବେ ଅନେକ ବିବାଦ ସାମ୍ନାକୁ ଆସୁଛି । ବର୍ତ୍ତମାନ ଏବେ ଶୋ’ ମଝିରୁ ଗିରଫ ହୋଇଛନ୍ତି ଜଣେ ବିଗବସ୍‌ ପ୍ରତିଯୋଗୀ। ଶୋ’ ଚାଲୁଥିବା ସମୟରେ ଜଣେ ପ୍ରତିଯୋଗୀଙ୍କୁ ଉଠାଇ ନେଇଛି ପୋଲିସ୍ । ପ୍ରତିଯୋଗୀ ଜଣଙ୍କ ହେଉଛନ୍ତି ବିଗବସ୍‌ କନ୍ନଡ଼ ୧୦ର ବର୍ଥୁର ସନ୍ତୋଷ। ରିଆଲିଟି ଶୋ’ରେ ବାଘ ନଖର ପେଣ୍ଡେଣ୍ଟ ପିନ୍ଧିଥିବା ଲାଗି ରବିବାର ତାଙ୍କୁ ଗିରଫ କରାଯାଇଛି। ତେବେ ତାଙ୍କ ବିରୋଧରେ ବନ ବିଭାଗ ପକ୍ଷରୁ ଅଭିଯୋଗ କରାଯିବା ପରେ ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ବର୍ତ୍ତମାନ ସେ ପୋଲିସ ହେପାଜତରେ ଅଛନ୍ତି।