ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ଅଭିନେତା ଚଙ୍କି ପାଣ୍ଡେଙ୍କ ଝିଅ ଅନନ୍ୟା ପାଣ୍ଡେ ଯାହାଙ୍କ ଲୋକପ୍ରିୟତା ଦିନକୁ ଦିନ ବୃଦ୍ଧି ପାଉଛି । ସେ ନିଜ ଅଭିନୟ ଜାଦୁରେ ଦର୍ଶକ ମାନଙ୍କୁ ବାନ୍ଧି ରଖିଛନ୍ତି । ତାଙ୍କ ବୟସ ଖୁବ୍ କମ୍ ହୋଇଥିବାରୁ ସେ ପ୍ରାୟତଃ ଗୋଟିଏ ପ୍ରକାର ଭୂମିକାରେ ଅଭିନୟ କରୁଛନ୍ତି । କ୍ରମଶଃ ଅଭିଜ୍ଞତା ଓ ବୟସ ବଢ଼ିବା ସହିତ ତାଙ୍କୁ ଭିନ୍ନ ଭିନ୍ନ ପ୍ରକାର ଭୂମିକା ମିଳିବ ଏବଂ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିବା ଏଳାଗି ସେ ଫୁଲ ଦମରେ ଲାଗିପଡିଛନ୍ତି ।
ଖବର ମୁତାବକ, ଅନନ୍ୟାଙ୍କ ଲୋକପ୍ରିୟତାର କାରଣ ହେଉଛି ସୋସିଆଲ୍ ମିଡିଆରେ ବହୁତ ସକ୍ରିୟ ଥିବା ଅନନ୍ୟାଙ୍କର ପ୍ରଶଂସକଙ୍କର ସଂଖ୍ୟା ସେଠାରେ ଖୁବ୍ ଅଧିକ। ନିକଟରେ ଏକ ପ୍ରସିଦ୍ଧ ଫିଲ୍ମ ପତ୍ରିକା ଦ୍ବାରା କରାଯାଇଥିବା ସର୍ବେକ୍ଷଣରେ ଅନନ୍ୟାଙ୍କୁ ‘ସବୁଠୁ ଲୋକପ୍ରିୟ ବଲିଉଡ୍ ଅଭିନେତ୍ରୀ’ଙ୍କ ତାଲିକାର ନବମରେ ରଖା ଯାଇଛି। ଏହା ଅନନ୍ୟାଙ୍କ ପାଇଁ ଗୋଟେ ବଡ଼ ସଫଳତା । କାରଣ ସେ ତାଲିକାର ପ୍ରଥମ ଦଶ ଜଣଙ୍କ ଭିତରେ ଅନନ୍ୟାଙ୍କ ପିଢ଼ିର ଅନ୍ୟ କୌଣସି ଅଭିନେତ୍ରୀ ସ୍ଥାନ ପାଇ ନାହାନ୍ତି। ଏହାସହ
ବଲିଉଡ୍ ଷ୍ଟାର ଅକ୍ଷୟ କୁମାରଙ୍କ ସହିତ ଅନନ୍ୟା ପାଣ୍ଡେ ତାଙ୍କର ପରବର୍ତ୍ତୀ ଚଳଚ୍ଚିତ୍ର ପାଇଁ କାମ କରୁଛନ୍ତି। ଏହି ଫିଲ୍ମର ସୁଟିଂ ଦିଲ୍ଲୀ, ହରିୟାଣା ଓ ଉତ୍ତର ଭାରତର କିଛି ସ୍ଥାନରେ କରାଯାଇଛି। ଯାହାକୁ ନେଇ ସୋସିଆଳ ମିଡିଆରେ ଚର୍ଚ୍ଚା ଜୋର ଧରିଛି ।
