ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ ଅଭିନେତ୍ରୀ ତାରା ସୁତାରିୟା । ଯିଏ ନିଜ ଅଭିନୟ ଜରିଆରେ ଦର୍ଶକଙ୍କ ହୃଦୟରେ ରାଜ କରୁଛନ୍ତି । ହେଲେ ବର୍ତ୍ତମାନ ଅଭିନେତ୍ରୀଙ୍କର ଅପକମିଂ ଫିଲ୍ମ ‘ଅପୂର୍ବା’ ଫାଷ୍ଟ ଲୁକର ଟିଜର ରିଲିଜ୍ ହୋଇଛି । ତାରା ‘ଷ୍ଟୁଡେଣ୍ଟ ଅଫ୍ ଦି ଇୟର ୨’ରୁ ଡେବ୍ୟୁ କରିଥିଲେ । ହେଲେ ଏବେ ସେ ବହୁତ ଶୀଘ୍ର ତାଙ୍କ ଅପକମିଂ ଫିଲ୍ମ ‘ଅପୂର୍ବା’ରେ ଧମାକା କରିବା ପାଇଁ ଯାଉଛନ୍ତି । ତାରା ସୁତାରିୟା ତାଙ୍କ ଫିଲ୍ମ ‘ଅପୂର୍ବା’ର ଫାଷ୍ଟ ଲୁକ୍ର ଫଟୋକୁ ନିଜ ଅଫିସିଆଲ ଇନ୍ଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଏହି ଫଟୋ ସେୟାର କରି କ୍ୟାପସନରେ ଲେଖିଛନ୍ତି ଯେ ‘ଯେବେ ବାହାରକୁ ଆସବା ପାଇଁ କୌଣସି ରାସ୍ତା ମିଳିନଥାଏ, ସେତେବେଳେ ଅପୂର୍ବା ନିଜ ରାସ୍ତା ନିଜେ ତିଆରି କରିଥାଏ’ । ତାରା ସୁତାରିୟା ନିଜ ହାତରେ ରକ୍ତରେ ଭିଜାଥିବା ଏକ ଛୁରିରେ ନିଜର ଅଧ୍ୟା ମୁହ ଲୁଚାଇଛନ୍ତି । ଏହି ପୋଷ୍ଟର ସହ ଫିଲ୍ମର ନାମ ଓ ରିଲିଜ୍ ଡେଟ୍ ମଧ୍ୟ ସାମ୍ନାକୁ ଆସିଛି ।
ସୂଚନା ଅନୁଯାୟୀ, ଫିଲ୍ମ ‘ଅପୂର୍ବା’ ନଭେମ୍ବର ୧୫ରେ ଡିଜ୍ନି ହଟଷ୍ଟାରରେ ରିଲିଜ୍ ହେବ । ଏଥିରେ ତାରାଙ୍କ ଏକ ଭିନ୍ନ ଲୁକ୍ ସହ ଜବରଦସ୍ତ ଆକ୍ସନ୍ ଦେଖିବାକୁ ମିଳିଛି । ଏହାସହ ଫିଲ୍ମ ‘ଅପୂର୍ବା’ରେ ତାରା ସୁତାରିୟାଙ୍କ ସହ ମୁଖ୍ୟ ଭୂମିକାରେ ରାଜପାଲ ଯାଦବ ଓ ଅଭିଷେକ ମୁଖାର୍ଜୀ ମଧ୍ୟ ନଜର ଆସିବେ ।
