ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ ଭାଇଜାନ ସଲମାନ ଖାନ୍ ଓ କ୍ୟାଟ୍ରିନା କୈଫଙ୍କ ଯୋଡି । ସାମ୍ନାକୁ ଆସିଲା ଟାଇଗର-୩ର ପ୍ରଥମ ଗୀତ । ଗୀତ ଦେଖି ଫ୍ୟାନ୍ସମାନଙ୍କ ଖୁସି କହିଲେ ନ ସରେ । ଆସନ୍ତା ନଭେମ୍ବର ୧୦ ତାରିଖରେ ଦୀପାବଳି ଅବସରରେ ଟାଇଗର-୩ ମୁକ୍ତିଲାଭ କରିବ । ବଲିଉଡ୍ର ଭାଇଜାନ୍ ସଲମାନ କଥା ଦେଇ କଥା ରଖିଛନ୍ତି । ନିକଟରେ ସଲମାନ ଖାନ ଘୋଷଣା କରିଥିଲେ ଯେ ୨୩ ଅକ୍ଟୋବର ଅର୍ଥାତ୍ ଆଜି ସେ ଟାଇଗର ୩ର ‘ଲେକେ ପ୍ରଭୃ କା ନାମ’ ଗୀତ ରିଲିଜ କରିବାକୁ ଯାଉଛନ୍ତି । ତାଙ୍କ ପ୍ରତିଶ୍ରୁତି ଅନୁଯାୟୀ ସଲମାନ ଖାନ ଟାଇଗରର ଏହି ଗୀତ ରିଲିଜ କରିଛନ୍ତି। ଏହି ଗୀତଟି ରିଲିଜ ହେବା ମାତ୍ରେ ସୋସିଆଲ ମିଡିଆରେ ହଇଚଇ ସୃଷ୍ଟି କରିବା ସହ, ଫ୍ୟାନ୍ସମାନଙ୍କ ମତୁଆଲା କରିଛି । ଗୀତରେ ସଲମାନ ଖାନ ଏବଂ କ୍ୟାଟ୍ରିନା କୈଫଙ୍କ ସିଜଲିଙ୍ଗ କେମେଷ୍ଟ୍ରିକୁ ଲୋକମାନେ ପୁଣି ଥରେ ଦେଖିବାକୁ ପାଇଛନ୍ତି । କ୍ୟାଟ୍ରିନା ଗୋଟିଏ ଗୀତ ପାଇଁ ୭ ରୁ ଅଧିକ ପୋଷାକ ପିନ୍ଧିଛନ୍ତି। ଗୀତଟିକୁ ଅରିଜିତ ସିଂ ଗାଇଥିବା ବେଳର ମ୍ୟୁଜିକ ପ୍ରୀତମ ଦେଇଛନ୍ତି। ଲିରିକ୍ସ ଲେଖିଛନ୍ତି ଅମିତାଭ୍ ଭଟାଚାର୍ୟ୍ୟ ।
ସୂଚନା ଅନୁଯାୟୀ, ମନୀଷ ଶର୍ମାଙ୍କ ନିର୍ଦ୍ଦେଶନାରେ ନିର୍ମିତ ଏହି ପ୍ରୋଜେକ୍ଟ ‘ଟାଇଗର’ ଫ୍ରାଞ୍ଚାଇଜିର ୩ୟ ଫିଲ୍ମ । ଆଦିତ୍ୟ ଚୋପ୍ରାଙ୍କ ପ୍ରଯୋଜନାରେ ଏହି ଫିଲ୍ମଟି ନିର୍ମାଣ ହେବାକୁ ଯାଉଛି । ଏଥିରେ ସଲମାନ୍ ଓ କ୍ୟାଟ୍ରିନା ଉଭୟ ଅବିନାଶ ସିଂହ ରାଠୋର ଓ ଜୋୟା ଚରିତ୍ର ଜରିଆରେ ପୁଣି ପରଦାକୁ ଫେରିବେ । ୟଶରାଜ୍ ଫିଲ୍ମସ ୟୁନିଭର୍ସର ‘ଟାଇଗର ଜିନ୍ଦା ହୈ’, ‘ୱାର୍’ ଓ ‘ପଠାନ୍’ ଫିଲ୍ମ ପରି କାହାଣୀ ଏଥିରେ ଦେଖିବାକୁ ମିଳିବ । ।
ସେପଟେ, ସଲମାନ୍ ସୋସିଆଲ ମିଡିଆରେ ହିନ୍ଦୀ, ଇଂରାଜୀ, ତାମିଲ, ତେଲୁଗୁରେ ଫିଲ୍ମର ପୋଷ୍ଟର ଶେୟାର କରି ଲେଖିଛନ୍ତି ଯେ,‘ମୁଁ ଆସୁଛି! ଦିୱାଲୀ-୨୦୨୩ରେ ଟାଇଗର୍-୩!’ ଏହି ପୋଷ୍ଟକୁ ନେଇ ସଲମାନଙ୍କ ଫ୍ୟାନ୍ ଲଗାତାର ପ୍ରତିକ୍ରିୟା ଦେଉଛନ୍ତି । ଅନ୍ୟପଟେ କ୍ୟାଟ୍ରିନା ପୋଷ୍ଟର ଶେୟାର କରି ଲେଖିଛନ୍ତି ଯେ,‘ନୋ ଲିମିଟ୍ସ, ନୋ ଫିୟର, ନୋ ଟର୍ନିଂ ବ୍ୟାକ୍! ଏଇ ଦିୱାଲିରେ ‘ଟାଇଗର-୩’ ।
