ଓଡ଼ିଶା 365 (ବ୍ୟୁରୋ): ଆଜି ପାନ ଇଣ୍ଡିଆ ତଥା ବାହୁବଳୀ ଅଭିନେତା ପ୍ରଭାସଙ୍କ ଜନ୍ମ ଦିନ । ସବୁଆଡେ ଫ୍ୟାନ୍ସମାନଙ୍କର ଚାଲିଛି ସେଲିବ୍ରେସନ । ଆଜି ପ୍ରଭାସ ତାଙ୍କର ୪୪ ତମ ଜନ୍ମଦିନ ପାଳନ କରୁଛନ୍ତି। ବାହୁବଳୀ ଅଭିନେତା କହିଲେ ଛୋଟ ଠୁ ବଡ଼ ସମସ୍ତଙ୍କ ଆଖି ଆଗରେ ପ୍ରଭାସଙ୍କ ଚେହେରା ଉଙ୍କି ମାରେ । ସେ ନିଜର ଦମଦାର୍ ଅଭିନୟ ବଳରେ ସମସ୍ତଙ୍କ ହୃଦୟରେ ରାଜ କରୁଛନ୍ତି । ଷ୍ଟାଇଲିସ୍ ଲୁକ ପାଇଁ ଅନେକ ଝିଅ ତାଙ୍କ ପାଇଁ ଦିୱାନି ହୋଇଛନ୍ତି । ପ୍ରଭାସଙ୍କ ଆକ୍ସନ୍ ଏବଂ ରୋମାନ୍ସ ସମସ୍ତଙ୍କ ହୃଦୟ ଜିତିଛି।
ପ୍ରଭାସ ଅଭିନେତା ହେବାକୁ କେବେ ଇଚ୍ଛା କରିନଥିଲେ। ଚଳଚ୍ଚିତ୍ର ଜଗତକୁ ଆସିବା ପଛରେ ତାଙ୍କର ଏକ ବଡ କାହାଣୀ ଲୁଚି ରହିଛି। ଆପଣ ଜାଣି ଆଶ୍ଚର୍ଯ୍ୟ ହେବେ ଯେ, ବର୍ତ୍ତମାନ ଯିଏ ନିଜର ଦମଦାର ସ୍ୱର ଏବଂ ସୁନ୍ଦର ଅଭିନୟ ପାଇଁ ଦର୍ଶକ ହୃଦୟ ଜିତିଥିଲେ। ସେ କେବେ ବି ହିରୋ ହେବା ପାଇଁ ଚାହୁଁ ନଥିଲେ। ପ୍ରଭାସଙ୍କ ପରିବାରର ସିନେମା ବ୍ୟାକଗ୍ରାଉଣ୍ଡରୁ ଆସିଛି। ହେଲେ ସେ କେବେ ବି ଅଭିନେତା ହେବାକୁ ଚାହୁଁନଥିଲେ।
ସୂଚନା ମୁତାବକ,ପ୍ରଭାସ ଖାଇବା ପିଇବାକୁ ଖୁବ୍ ଭଲ ପାଆନ୍ତି । ଏଥିପାଇଁ ସେ ହୋଟେଲ୍ ବ୍ୟବସାୟ କରିବାକୁ ଇଚ୍ଛା ରଖିଥିଲେ। ହେଲେ ପ୍ରଭାସଙ୍କ ଦାଦା ଏକ ଚଳଚ୍ଚିତ୍ର ନିର୍ମାଣ କରୁଥିଲେ ଏବଂ ସେହି ଚଳଚ୍ଚିତ୍ରର କାହାଣୀର ହିରୋ ପ୍ରଭାସଙ୍କ ପ୍ରକୃତ ଜୀବନ ଚରିତ୍ର ସହିତ ସମାନ ଥିଲା। ସେଥିପାଇଁ ତାଙ୍କ ଦାଦା ପ୍ରଭାସଙ୍କୁ ଫିଲ୍ମ ପାଇଁ ବାଧ୍ୟ କରିଥିଲେ । ସେହି ସମୟରେ ପ୍ରଭାସ ଅଭିନେତା ଭାବରେ ନିଜର ଯାତ୍ରା ଆରମ୍ଭ କରିଥିଲା।
ପ୍ରଭାସ ୨୦୦୦ମସିହାରେ ‘ଇଶ୍ୱର’ ଚଳଚ୍ଚିତ୍ର ସହିତ ଅଭିନୟ ଆରମ୍ଭ କରିଥିଲେ। ବର୍ଷମରୁ ପ୍ରଭାସ ନିଜ କ୍ୟାରିୟର୍ ଆରମ୍ଭ କରିଥିଲେ । ହେଲେ ‘ବାହୁବଳୀ’ ତାଙ୍କ ଭାଗ୍ୟ ବଦଳାଇ ଦେଇଥିଲା। ଏହି ଚଳଚ୍ଚିତ୍ର ପାଇଁ ପ୍ରଭାସ ତାଙ୍କର ୫ବର୍ଷ ଦେଇଥିଲେ ଏବଂ ସେହି ସମୟରେ ସେ ଅନ୍ୟ କୌଣସି ଫିଲ୍ମରେ କାମ କରିନଥିଲେ। ଅନେକ ସେଲିବ୍ରେଟିମାନେ ଅନେକ ବ୍ରାଣ୍ଡ ଏଣ୍ଡୋର୍ସ କରୁଥିବାବେଳେ ପ୍ରଭାସ ଏସବୁରୁ ନିଜକୁ ଦୂରେଇ ରଖୁଥିଲେ । ଏହି ଫିଲ୍ମ ପାଇଁ ପ୍ରଭାସ କେବଳ ଦେଶରେ ନୁହେଁ ବିଦେଶରେ ମଧ୍ୟ ମେଗାଷ୍ଟାର ବନିଯାଇଥିଲେ। ସେବେଠୁ ଆଜି ପର୍ଯ୍ୟନ୍ତ ସେ ଗୋଟେ ଗୋଟେ ଫିଲ୍ମ ଦର୍ଶକ ମାନଙ୍କୁ ଉପହାର ଦେଇ ସମସ୍ତଙ୍କ ହୃଦୟରେ ରାଜ କରୁଛନ୍ତି ।
