ଆଜି ପୀଠେ ଦଶମୀ, ମଣ୍ଡପରେ ମହାନବମୀ: ମହାମାୟାଙ୍କ ପାଇଁ ଉତ୍ସବମୁଖର ପୁରା ପରିବେଶ

ଓଡ଼ିଶା 365 (ବ୍ୟୁରୋ):  ଆଜି ବିଭିନ୍ନ ପୂଜାମଣ୍ଡପରେ ମହାମାୟା ମା’ ଦୁର୍ଗାଙ୍କ ମହାନବମୀ ପୂଜା ଚାଲିଛି। ଏଥିପାଇଁ ସକାଳୁ ସକାଳୁ ରାଜଧାନୀର ବିଭିନ୍ନ ପୂଜା ମଣ୍ଡପରେ ଭକ୍ତଙ୍କ ଭିଡ଼ ଲାଗିଲାଣି। ରସୁଲଗଡ଼, ବମିଖାଲ, ଶହୀଦନଗର, ନୟାପଲ୍ଲୀ ଆଦି ପୂଜା ମଣ୍ଡପରେ ଶ୍ରଦ୍ଧାଳୁମାନେ ମା’ଙ୍କ ଦର୍ଶନ କରୁଛନ୍ତି। ଆଜି କିଛି ମଣ୍ଡମରେ କୁମାରୀ ପୂଜା, ଗୋ-ପୂଜନ କରାଯାଉଛି। ମୃଣ୍ମୟୀ ଦେବୀଙ୍କ ନିକଟରେ ଆଜି ନବମୀ ପୂଜା ଅନୁଷ୍ଠିତ ହେଉଥିବା ବେଳେ ପୀଠରେ ଦଶମୀ ପୂଜା ଚାଲିଛି।

ମାଆଙ୍କ ଆବାହନରେ କମ୍ପୁଛି ପୂଜା ମଣ୍ଡପ । ସୁନା, ରୂପା ସହ ଚାନ୍ଦି ମେଢରେ ଶୋଭାପଉଛନ୍ତି ମାଆଙ୍କ ପ୍ରତିମା। ଘଣ୍ଟଘଣ୍ଟା, ଶଙ୍ଖଧ୍ୱନି ଓ ବ୍ରାହ୍ମଣଙ୍କ ମନ୍ତ୍ରପାଠରେ କମ୍ପୁଛି ମଣ୍ଡପ। ସବୁଠି ଉତ୍ସବର ମାହୋଲ ଦେଖିବାକୁ ମିଳିଛି ।