ଓଡ଼ିଶା 365 (ବ୍ୟୁରୋ):ଦଶହରାରେ ଦର୍ଶକ ମାନଙ୍କୁ ଉପହାର ଭେଟି ଦେଲେ ଫିଲ୍ମ ମେକର ବିବେକ ଅଗ୍ନିହୋତ୍ରୀ । ନିକଟରେ ତାଙ୍କ ଫିଲ୍ମ ଦି ଭ୍ୟାକ୍ସିନ ୱାର୍ ରିଲିଜ ହୋଇଛି। ଯାହା ଦର୍ଶକମାନଙ୍କ ଠାରୁ ଅନେକ ଭଲପାଇବା ପାଇଥିବାବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଏହି ଫିଲ୍ମକୁ ବହୁତ ପ୍ରସଂଶା କରିଥିଲେ । ଭ୍ୟାକ୍ସିନ ୱାର ପରେ ବିବେକ ବର୍ତ୍ତମାନ ତାଙ୍କର ନୂଆ ଫିଲ୍ମ ଘୋଷଣା କରିଛନ୍ତି। ଏହି ଫିଲ୍ମର ନାମ ‘ପର୍ବ: ଆନ ଏପିକ ଟେଲ ଅଫ ଧର୍ମା।‘ ଏହି ମୁଭିଟି ଏସଏଲ ଭୈରପ୍ପାଙ୍କ ପୁସ୍ତକ ‘ପର୍ବ’ ଉପରେ ଆଧାରିତ ହୋଇଛି । ବିବେକ ଏହି ଫିଲ୍ମକୁ ତିନି ଭାଗରେ ନିର୍ମାଣ କରିବାକୁ ଯାଉଛନ୍ତି ଏବଂ ଏହା ମହାଭାରତ ଉପରେ ଆଡଧାରିତ ହେବ ବୋଲି ସୂଚନା ରହିଛି ।
ସେପଟେ ବିବେକଙ୍କ ମୁହଁରୁ ଏହି ଖୁସି ଖବର ଶୁଣି ଫ୍ୟାନ୍ସ ମାନଙ୍କ ଦିଲ୍ ଖୁସ୍ ହୋଇଯାଇଛି । ବିବେକ ଫିଲ୍ମର ପୋଷ୍ଟର ଶେୟାର କରି ଫିଲ୍ମ ଘୋଷଣା କରିଛନ୍ତି। ସେ ଲେଖିଛନ୍ତି- ବଡ ଘୋଷଣା- ମହାଭାରତ ଇତିହାସ ନା ପୁରାଣ? ଆମେ ଭାଗ୍ୟବାନ ଯେ ପଦ୍ମ ଭୂଷଣ ଡ। ଭୈରପ୍ପାଙ୍କ ଆଧୁନିକ କ୍ଲାସିକ ଆଣିବା: ‘ପର୍ବ – ଆନ ଏପିକ ଟେଲ ଅଫ ଧର୍ମା’ । ଏହି ପର୍ବକୁ ମାଷ୍ଟରପ୍ରିସର ମାଷ୍ଟରପିସ କୁହାଯାଏ।
