ବ୍ରାଣ୍ଡ୍‌ ନ୍ୟୁ କାରର ମାଲିକାଣି ହେଲେ ଜ୍ୟାକଲିନ୍‌ ଫର୍ଣ୍ଣାଣ୍ଡିସ୍

ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ୍‌ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଣ୍ଡିସ୍। ସେ ସବୁବେଳେ ନିଜ ଫିଲ୍ମ ଏବଂ ବ୍ୟକ୍ତଗତ ଜୀବନକୁ ନେଇ ଲାଇମ୍‌ ଲାଟ୍‌କୁ ଆସିଥାନ୍ତି । ହେଲେ ଏଥର କିନ୍ତୁ ସେଭଳି କିଛି ନୁହେଁ ବରଂ ତାଙ୍କ ବିଳାସପୂର୍ଣ୍ଣ କାର ପାଇଁ ସେ ଚର୍ଚ୍ଚାର ପରିସରକୁ ଆସିଛନ୍ତି । ସୂଚନା ମୂତାବକ, ନିକଟରେ ଜ୍ୟାକଲିନ୍‌ ଫର୍ଣ୍ଣାଣ୍ଡିସଙ୍କୁ ମୁମ୍ବାଇ ରାସ୍ତାରେ ଦେଖିବାକୁ ମିଳିଥିଲା। ଯାହାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଯେଉଁଠାରେ ଜ୍ୟାକଲିନ ତାଙ୍କ ବିଳାସପୂର୍ଣ୍ଣ କାର BMW i7 ରେ ବସିଥିବାର ନଜର ଆସିଛନ୍ତି । BMW i7 ବ୍ୟତୀତ ତାଙ୍କ ପାଖରେ ‘ହାମର H2’, ‘ମର୍ସିଡିଜ୍-ବେଞ୍ଜ୍ ମାୟାବାକ୍ S 500’, ‘ରେଞ୍ଜ୍ ରୋଭର ଭୋଗ୍’, ‘ବିଏମଡବ୍ଲୁ 525 ଡି’ ଏବଂ ଜିପ୍ କମ୍ପାସ୍ ମଧ୍ୟ । ହେଲେ ଏହି ନୂଆ କାରଟି ଇଲେକ୍ଟ୍ରି କାର ବୋଲି ସୂଚନା ମିଳିଛି । ଯାହାର ମୂଲ୍ୟ ୨ କୋଟି ଟଙ୍କା ।