ଓଡ଼ିଶା 365 (ବ୍ୟୁରୋ): ପୋଲିସ ମୁଖ୍ୟାଳୟରେ ପାଳିତ ହୋଇଯାଇଛି ଶହୀଦ ଦିବସ। ଏଥିରେ ଡିଜିପି ସୁନୀଲ ବଂଶଲ ଯୋଗଦେଇ ଶହୀଦଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି । ଏହି ଅବସରରେ ଶ୍ରୀ ବଂଶଲ କହିଛନ୍ତି ଚଳିତ ବର୍ଷ ଦେଶର ୧୮୮ ଜଣ ପୋଲିସ ଯବାନ ଶହୀଦ ହୋଇଛନ୍ତି । ଶାନ୍ତି ପ୍ରତିଷ୍ଠା ପାଇଁ ପୋଲିସ ପ୍ରତିଶୃତିବଦ୍ଧ । ପୋଲିସ ପାଇଁ ସବୁବେଳେ ଚ୍ୟାଲେଞ୍ଜ ରହିଛି । କିନ୍ତୁ ପୋଲିସ ତାର ସଫଳ ମୁକାବିଲା କରିପାରିଛି ।
ସେ ଆହୁରି ବି କହିଛନ୍ତି ନକ୍ସଲ ଦମନ ହେଉଛି ଓଡିଶା ପୋଲିସର ଲକ୍ଷ୍ୟ । ମାଓବାଦୀ ମୁଖ୍ୟ ସ୍ରୋତକୁ ଫେରନ୍ତୁ । ଏବେ ଅର୍ଥନୈତିକ ଅପରାଧ ପୁଲିସ ପାଇଁ ବଡ଼ ଚ୍ୟାଲେଞ୍ଜ । ସମସ୍ତ ଚ୍ୟାଲେଞ୍ଜକୁ ପୁଲିସ ସଫଳତାର ସହ ମୁକାବିଲା କରୁଛି ।
