ଦଶହରାରେ ନୂଆ କାର୍ କିଣିଲେ ଆଲିଆ

ଓଡ଼ିଶା 365 (ବ୍ୟୁରୋ): ବଲିଉଡର ଚୁଲବୁଲି ଅଭିନେତ୍ରୀ କହିଲେ ଆଲିଆ ଭଟ୍ଟଙ୍କୁ ବୁଝାଏ । ଯିଏ ବର୍ତ୍ତମାନ ସମସ୍ତଙ୍କ ହୃହୟରେ ରାଜ କରୁଛନ୍ତି । ନିକଟରେ ସେ ଫିଲ୍ମ ‘ଗଙ୍ଗୁବାଇ କାଠିଆୱାଡି’ ପାଇଁ ଜାତୀୟ ପୁରସ୍କାରରେ ପୁରସ୍କୃତ ହୋଇଛନ୍ତି । ଏହି ପୁରସ୍କାର ତାଙ୍କ ଜୀବନର ପ୍ରଥମ ଜାତୀୟ ପୁରସ୍କାର । ସ୍ୱାମୀ ରଣବୀର କପୁରଙ୍କ ସହ ଦିଲ୍ଲୀରେ ଆୟୋଜିତ ଏହି କାର୍ଯ୍ୟକ୍ରମକୁ ଆସି ବଲିଉଡରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି । ଏବଂ ଫିଲ୍ମ ନିର୍ମାତା ସଞ୍ଜୟ ଲୀଲା ଭଂସାଲୀଙ୍କୁ ମଧ୍ୟ ଧନ୍ୟବାଦ ଜଣାଇଥିଲେ।

ସୂଚନା ମୁତାବକ, ବର୍ତ୍ତମାନ ନବରାତ୍ରର ଶୁଭ ଅବସରରେ ଆଲିଆ ଏକ ନୂତନ କାର କିଣିଛନ୍ତି। ଏହି ବିଳାସପୂର୍ଣ୍ଣ କାରର ଭିଡିଓ ଏବଂ ଫଟୋ ସୋସିଆଲ ମିଡିଆରେ ବେଶ୍ ଭାଇରାଲ ହେଉଛି ।ଆଲିଆ ରେଞ୍ଜ ରୋଭରର ଅଟୋବାୟୋଗ୍ରାଫି ଲଙ୍ଗ ହ୍ୱିଲ୍ ବେସ୍ କିଣିଛନ୍ତି। ଯାହାର ମୂଲ୍ୟ ୩.୮୧ କୋଟି ଟଙ୍କା ବୋଲି କୁହାଯାଉଛି । ଏହାସହ ସେ ତାଙ୍କ କାରକୁ ପୂଜା କରୁଥିବାର ମଧ୍ୟ ଏହି ଭିଡିଓରେ ଦେଖିବାକୁ ମିଳିଛି ।