ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡର ଷ୍ଟାଇଲିସ୍ ବୟ ଟାଇଗର ଶ୍ରଫ ଏବଂ ଅଭିନେତ୍ରୀ କ୍ରିତି ସାନନଙ୍କ ଅଭିନୀତ ଚଳଚ୍ଚିତ୍ର ‘ଗଣପତ’ । ଗତକାଲି ଏହି ଫିଲ୍ମ ହିନ୍ଦୀ, ତାମିଲ, ତେଲୁଗୁ ଏବଂ କନ୍ନଡ଼ରେ ବଡ ପରଦାକୁ ଆସିଛି । ଯାହା ବର୍ତ୍ତମାନ ଲୋକଙ୍କ ମଧ୍ୟରେ କ୍ରେଜ୍ ବଢ଼ାଉଛି । ଦୀର୍ଘ ଦିନ ଧରି ଦର୍ଶକମାନେ ଏହି ଫିଲ୍ମକୁ ଉତ୍ସାହର ସହ ଅପେକ୍ଷା କରିଥିଲେ । ଏହାର ଟ୍ରେଲର ରିଲିଜ୍ ହେବା ପରଠୁ ଏହା ଦର୍ଶକ ମାନଙ୍କୁ ନିଜ ଆଡକୁ ଆକର୍ଷିତ କରିବାରେ ଲାଗିପଡିଛି । ହେଲେ ବର୍ତ୍ତମାନ ପ୍ରେକ୍ଷାଳୟରେ ରାଜ କରୁଛି ଫିଲ୍ମ ‘ଗଣପତ’ । ଏହି ଆକ୍ସନ ପ୍ୟାକ ଫିଲ୍ମ ପ୍ରେକ୍ଷାଳୟରେ ମୁକ୍ତିଲାଭ କରିଥିବା ବେଳେ ଏହାର ପ୍ରଥମ ଦିନର ପ୍ରଥମ ଶୋ’ ଦେଖିବା ପାଇଁ ପ୍ରେକ୍ଷାଳୟରେ ବେଶ୍ ଭିଡ଼ ଜମିଥିଲା । ଏହା ସହିତ, ପ୍ରଶଂସକମାନେ ଫିଲ୍ମ ଦେଖିବା ପରେ ସୋସିଆଲ ମିଡିଆରେ ଏହାର ସମୀକ୍ଷା ବାଣ୍ଟୁଛନ୍ତି।
ସେପଟେ ସୁପରଷ୍ଟାର ରଜନୀକାନ୍ତ ସମସ୍ତଙ୍କୁ ଆଶ୍ଚର୍ୟ୍ୟ କରି ‘ଗଣପତି’ର ପୂରା ଟିମକୁ ତାଙ୍କର ଶୁଭେଚ୍ଛା ଓ ଆଶୀର୍ବାଦ ଜଣାଇଛନ୍ତି । ସେ ତାଙ୍କ ସୋସିଆଲ ମିଡିଆରେ ଭାରତର ସର୍ବ କନିଷ୍ଠ ଆକ୍ସନ ଷ୍ଟାର୍ ଟାଇଗର୍ ଶ୍ରଫ୍ ଏବଂ ‘ଗଣପତ’ ଟିମ୍କୁ ଶୁଭେଚ୍ଛା ଜଣାଇ କ୍ୟାପସନରେ ଲେଖିଛନ୍ତି, “ଟାଇଗର ଶ୍ରଫ ଏବଂ ୰ ଏବଦ୍ଭବକ୍ଟ୍ରବଗ୍ଧଷ ର ପୁରା କାଷ୍ଟ୍ ଏବଂ କ୍ରୁ କୁ ମୋର ହାର୍ଦ୍ଦିକ ଅଭିନନ୍ଦନ। ମୁଁ ଆପଣଙ୍କ ଫିଲ୍ମର ବଡ ସଫଳତା କାମନା କରୁଛି।” ରଜନାକାନ୍ତଙ୍କ ଏହି ଶୁଭେଚ୍ଛା ବର୍ତ୍ତମାନ ଭାଇରାଲ ହେବା ସହ ଦର୍ଶକଙ୍କ ମନରେ ବେଶ୍ ଉତ୍ସାହ ବଢ଼ାଇଛି ।
ଖବର ମୁତାବକ, ‘ଗଣପତ’ ଫିଲ୍ମର ନିର୍ଦ୍ଦେଶନା ଦେଇଛନ୍ତି ବିକାଶ ବାହଲ। ଏହି ଆକ୍ସନ ପ୍ୟାକ ହୋଇଥିବା ଚଳଚ୍ଚିତ୍ର ବର୍ତ୍ତମାନ ଦର୍ଶକଙ୍କ ଠାରୁ ସକରାତ୍ମକ ପ୍ରତିକ୍ରିୟା ଗ୍ରହଣ କରିଛି। ଏଥିରେ ଅଭିନେତା ଟାଇଗର ଶ୍ରଫ ଏବଂ କ୍ରିତି ସାନନଙ୍କ ଯୋଡିକୁ ଦର୍ଶକମାନେ ବେଶ୍ ପସନ୍ଦ କରିଛନ୍ତି ।
